Apartamentet në Tiranë më të shtrenjta se në Paris, Milano e Nju Jork….

Share on FacebookShare on Google+Tweet about this on TwitterShare on LinkedInShare on Whatsapp

Një apartament në Tiranë mund të kushtojë mesatarisht 70-100 mijë euro, ndërsa në Milano e Paris edhe 300- 500 mijë euro, por kur vjen puna për të llogaritur aftësinë blerëse të qytetarëve përkatës, kryeqyteti shqiptar rezulton më i shtrenjtë.

Një indeks i Numbeo.com rendit 269 qytete në botë, sipas raportit të çmimit mbi të ardhurat, që është treguesi më i mirë për të matur përballueshmërinë për blerjen e një apartamenti  (sa më i ulët ky indeks aq më mirë është).

Tirana gjendet në vendin e 235, duke u renditur mes qyteteve ku është më e vështirë për të blerë një shtëpi me të ardhurat e disponueshme, raporton Monitor.

Parisi në Francë dhe Milano në Itali renditen përkatësisht në vendet e 231 dhe 232.

Akoma më i lirë është Një Jorku, që gjendet në vendin e 194.

Ky indeks, sipas Numbeo, llogaritet përgjithësisht si raport i çmimeve mesatare të apartamenteve ndaj të ardhurave mesatare të disponueshme  të familjeve, të shprehura si vite të ardhurash.

Ai merr në konsideratë të ardhurat e disponueshme neto, një apartament mesatar prej 90 metra katror dhe çmimin për metër katror (si një mesatare e çmimit në qendër dhenë periferi të qytetit).

Në Tiranë, sipas këtij indeksi duhen 17.4 vite të ardhura për të blerë një apartament, ndërsa në Milano, një familjeje i duhen 17 vite, në Parit 16.8 vite. Në Nju Jork duhen 12.7 vite, në Zyrih 10.1. Edhe në Vjenë, një destinacion shumë i preferuar i Europës, mjaftojnë 13.7 vite.

Në rajon, qyteti ku familjeve u duhet më pak vite të ardhura për të blerë një apartament është Sarajeva, me 12.9 vite.

Në Shkup ky tregues është 15.6, në Podgoricë 14.1, Sofia dhe Selaniku e kanë 9.1, Athina 10.4.

Qyteti më i shtrenjtë i rajonit, sipas fuqisë blerëse është Beogradi, me 21.5 vite.

Në Europë, më si shtrenjti është Londra, ku do të duheshin 27 vite të ardhura për të blerë një apartament.

Beogradi dhe Tirana më të shtrenjtët në rajon

Edhe në vlerë absolute, çmimet e apartamenteve në qendër të kryeqytetit janë ndër më të shtrenjtat në rajon, së bashku me Brogradin.

Aktualisht çmimet e apartamenteve brenda unazës në Tiranë variojnë nga 1200-2000 euro për metër katror, por ka dhe disa zona që janë shtrenjtuar ndjeshëm.

Në zonën e televizionit shqiptar, çmimi i apartamenteve ka arritur në 3,000 euro për metër katror.

Tendenca është në rritje.

Banka e Shqipërisë konfirmoi së fundmi se indeksi i çimeve të banesave në kryeqytet u rrit me rreth 4% në tremujorin e fundit. Agjentët e real estate dhe ndërtuesit presin që kjo tendencë të vazhdojë edhe këtë vit.

Aktualisht nivelin më të lartë të çmimeve në rajon për qendrën e ka Beogradi, me mesatarisht 2000 euro për metër katror, por për hyrjet luksoze arrin edhe në 4000 euro, sipas  Eurobank Property Services.

Çmime mes 1500-2000 euro/m2 ka dhe Pogdorica.

Në rajon, më i lirë mbetet kryeqyteti i Maqedonisë, ku çmimet po bien që prej vitit 2011, pas një rimëkëmbjeje të shkurtër në 2010-n.

Në Shkup, çmimi mesatar i banesave ra me 1.8% në 2015-n në MKD 52,916 (USD 963) për metër katror, në raport me vitin e mëparshëm, sipas institutit maqedonas të statistikave

Në Sarajevë, çmimet mesatare të apartamenteve në qendër janë rreth 1400 euro/m2.

Por, ndryshe nga qendra, periferia në Tiranë është më e lira në rajon dhe luhatet mes 450-600 euro për metër katror, ndërsa në vendet e rajonit është minimum 800 euro/m2.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[{"thumb":"http:\/\/www.gazetatema.net\/web\/wp-content\/uploads\/2017\/02\/tabele-150x150.png","full":"http:\/\/www.gazetatema.net\/web\/wp-content\/uploads\/2017\/02\/tabele.png","attachment_id":"631631"},{"thumb":"http:\/\/www.gazetatema.net\/web\/wp-content\/uploads\/2017\/02\/tabele-1-150x150.png","full":"http:\/\/www.gazetatema.net\/web\/wp-content\/uploads\/2017\/02\/tabele-1.png","attachment_id":"631632"}]

10 komente në “Apartamentet në Tiranë më të shtrenjta se në Paris, Milano e Nju Jork….”

  1. enter"" says:

    PO kush do me ble apartamente ne Ohio apo Tulsa, vende ku mezi shikon fryme te gjalle.
    A e keni idene sa shkon nje apartament ne Manhattan?
    Ja tjua them une, nje apartament ne Manhattan, nje dhome e kuzhine, apartament mikroskopik, pa ballkon, dhe ne nje pallat me shume mundesi pa ashensor e keni nga 1.7 milione e siper.

    1. hm says:

      Mbase perllogarisin gjithe qytetin dhe jo vetem Manhattanin…

      1. enter"" says:

        Pjesa tjeter e NY eshte me e shemtuar sa sbehet. Te pakten apartamentet e Tiranes jane te medha, moderne, ne Queens, Brooklyn, Harlem I ke te parinovuara, te pista, me minj brenda, me derrasa te kalbme

  2. xha xhan says:

    bon harakiri me jetu ne manhattan. ku ka si qytet e vogla amerikone

  3. perkthyesi says:

    Ketu cdo gje eshte mbrapsht, dhe kjo nuk mund te bente perjashtim!

  4. hah says:

    Po gjysma e cmimeve ketu rritet nga emigrantet, gjysma tjeter nga trafikantet. Normal qe ai qe punon me ndershmeri brenda shtetit nuk e blen dot nje shtepi, se as nuk ka te ardhura perendimore dhe as nuk po shet hashash!

  5. sulo Permeti says:

    Kur varferia rritet,sice shohim te gjthe (jam pedagog ne Ut),cmimet e banesave ne qender te tiranes, “cuditerisht”,rriten madje ndjeshem,ne periferi madje cmimet jane te ulta.Kush i ble banesat e shtrenjta? Kush disponon pare te piste apo te vjedhur,pra gjyqtaret,prokuroret dhe politikane te korruptuar,nga njera ane dhe bota e krimit qe po lan me shumice l paret.
    Populli i rregullt, nuk mund ti bleje ….Pra eshte tregues i drejperdrejte,n.q.s rriten cmimet e qendres,rritet edhe informaliteti edhe korrupsioni qeveritar.

  6. Bariu says:

    Me siguri cmimin e ngritur te banesave, e bejne te korruptuarit e drejtesise,qe kane vjedhur lek pa mase dhe nuk i deklarojne,por blejne prona sa te jete cmimi.Pra vetingu i trembi se mund ti fusi ne burg.Por cmimi perse u rrit kaq shume-pergjigja eshte evidente:-sepse edhe ata jane te shumte (oferte -kerkese,kur kerkesa eshte e madhe,sjell rritjen e cmimit)

  7. Shum keq says:

    O cuna e kuptoni qe eshte per te qare, ta plakemi me mamin e babin se skena mundesi me ble shtepi e nusja do flej ne guzhin me burrin e femija ne koridor .

Lini një Përgjigje

Adresa juaj email nuk do të bëhet publike. Fushat e domosdoshme shënohen *