Rrëfehet ish-polici privat Fation Xhyliu: Gënjeva shefat e mi, mora pushim dhe...

15 Shkurt 2017, 08:37Politika TEMA

Fation Xhyliu ish-punonjësi i kompanisë siguruese “Ro-Gat Security” është çelësi i zbardhjes së identitetit të 5 anëtarëve të tjerë të këtij grupi kriminal.

Ditën kur janë grabitur 3.2 milionë dollarë nga dy furgonët e kompanisë “Jaguar Security” dhe 3 milion euro në dhjetor të 2015, Fation Xhyliu ka pasur rolin e vëzhguesit të automjeteve ku ndodheshin paratë. Ai ka qënë në Vorë, duke sinjalizuar anëtarët e tjerë, se makinat po afroheshin në zonën e Laknasit, raporton Shqiptarja.com.

Ai qëndronte në Vorë në një apartament me qira, ku ditën e shoqërimit të tij nga policia, ka qenë nën shoqërinë e të vëllait, Gentjanit nga Lushnja.

Prezenca e tyre në këtë zonë ka ngjallur dyshim nga policia, e cila ka vendosur ti shoqërojë fillimisht. Ata janë pyetur se për çfarë ishin ndodhur në atë zonë, por nuk kanë dhënë shumë detaje.

Pas verifikimeve, është lejuar të dalë nga qelia Gentjan Xhyliu, ndërkohë Fationi është mbajtur i izoluar, me argumentin e verifikimit të tij. Policia gjeti në telefonin e Xhyliut disa sms të dyshimta, mesazhe këto që ai nuk ka qenë në gjendje ti japë përgjigje dhe të bindë policët.

Menjëherë ndaj tij janë ngritur dyshime si ai kishte shërbyer si informator i grabitësve dhe i është komunikuar urdhëri i ndalimit, i lëshuar nga prokurori Ervin Karanxha.

Pas këtij momenti, Fation Xhyliu ka vendosur të bashkëpunojë me policinë e Tiranës duke treguar me imtësi të gjitha detajet e dy grabitjeve dhe emrat e personave që kishin marë pjesë.

Dëshmia e ish-policit privat

Përpara prokurorëve dhe policëve, Fation Xhyliu, ka treguar se prej disa kohësh kishte qënë pjesë e kompanisë siguruese “Ro-Gat Security”.

Ai ka rëfyer se një ditë para se të grabitej furgoni i kësaj kompanie në zonën e quajtur “Qafë-Kashar”, ai ka pasur dijeni për transportimin nga Tirana në drejtim të Rinasit, të një sasie prej 3.2 milionë euro.

Gazeta “Shqiptarja.com” mëson një pjesë të dëshmisë së ish-policit privat i cili ka treguar se: …kam qënë pjesë e kompanisë Ro-Gat Security. Gjatë kohës kur shërbejë pranë kësaj kompanie kisha detyrën e shoqëruesit të makinës, që transportoheshin sasitë e lekëve nga banka në bankë dhe nga banka drejt Rinasit. Një ditë para se të ndodhte grabitja, unë kam pasur dijeni për këtë transportim.

Ndërkohë që kisha njoftuar dhe anëtarët e tjerë që kisha vendosur të bashkëpunoja. Pikërisht një ditë para sulmit, kam gënjyer shefat e mi, duke kërkuar që të mos paraqitesha në punë, duke u justifikuar se kisha një punë time personale dhe më nevojitej dita e pushimit.

Kjo kërkesë është bërë tek eprori, ai më ka miratuar pushimin, duke më zëvendësuar me një koleg tjetër. Ndërkohë në 3 dhjetor të 2015, jemi organizuar me detyra të përcaktuara, për të sulmuar makinën që do transportonte lekët nga banka në drejtim të Rinasit.Unë kam qënë në rolin e vëzguesit duke i dhënë informacion anëtarëve të tjerë, për vendodhjen e makinës etj…”.

Më tej ish-polici ka rëfyer në polici, se një ditë pasi kishin grabitur 3.2 milionn euro ai është paraqitur në punë, ku kishte dëgjuar kolegët e tij të eskortës së shoqërimit të parave se si ishin sulmuar në mënyrë të befasishme dhe skishin mundur të bënin asnjë lëvizje.

Vetë kompania private ka bërë një hetim për këtë grabitje, ku disa prej kolegëve të tij betoheshin se nuk kishin gisht në këtë ngjarje dhe s’kishin dekonspiruar operacionin e transportimit të thasëve me euro në drejtim të Rinasit. Më tej Fation Xhyliu u ka treguar policëve se kishte braktisur punën, duke dhënë dorëhqjen pasi ka hapur fjalë se kishte gjetur një tjetër punë më të mirë.

Ndërsa disa kolegëve të tjerë u ka pohuar se do largohej jashtë shtetit. Xhyliu ka treguar fakte të dobishme edhe për grabitjen e dytë që ata kanë bërë, i cili ka pohuar se sërisht ka qënë në rolin e vëzhguesit. Dëshmia e tij ka qënë çelësi i identifikimit, lokalizimit dhe më pas arrestimin e anëtarëve të këtij grupi kriminal që grabiste lekët e bankave në vendin e quajtur qafa e Kasharit.

2 komente në “Rrëfehet ish-polici privat Fation Xhyliu: Gënjeva shefat e mi, mora pushim dhe…”

  1. s says:

    te gjitha keto erdhen si pasoje e punes me metoda qe behet ne polici dhe ne rend , keto te shikoj dhe te hape veshet lul karabushi dhe te mos llomotit posht e perpjete per pak vota , dhe ta kete te qarte se populli nuk e voton sepse ulurin tere diten duke e reklamuat keq policine dhe organet ,punohet o lul , punohet nuk vidhet e shperdorohet posti , keto te shikoje e djathta dhe te mbylli gojen se vetem qelbiserlleqe nxjerin

  2. Kritiku says:

    Tere ata qe nxjerrin detaje nga hetimi duhet qe te perballen me ligjin. Jo te gjitha gjerat duhet qe te dalin ne gazete. Ka kufi per çdo gje. Duke ditur edhe nivelin skandaloz te gazetareve shqiptare qe jane komplet analfabete funksionale, nuk duhet qe te “furnizohen” me te dhena te tilla. Keta gazetare nuk dine as se si te shkruajne nje shkrim me nje qartesi mendimi, qe lexuesi te arrije qe te kuptojne permbajtjen. Me shume keto shkrime e keqinformojne lexuesis, se sa ta informojne ate.
    Lexoni se çfare shkrimi skandaloz eshte ky! Rremuje mendimesh nga nje mendje rremuje e gazetarit.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje