Dule fton Metën dhe LSI-në në opozitë: Mos mbani koston e gabimeve të Ramës

Kryetari i PBDNJ-së, Vangjel Dule ka ftuar publikisht Lëvizjen Socialiste për Integrim që drejtohet nga Ilir Meta, të largohet nga qeveria për të mundësuar krijimin e një qeverie teknike.

Duke folur për NeWs 24, Dule tha se LSI nuk duhet të mbajë koston e gabimeve dhe interesave korruptive të kryeministrit Edi Rama. Ai theksoi se kjo forcë politike duhet të marrë vendim në interes të shoqërisë.

“Është përgjegjësi e LSI të marrë vendimin që mendon se është në të mirë të vendit dhe të shoqërisë. Gjithsesi, opozita është detyruar t’i prijë lëvizjes popullore”, tha Dule.

Vangjel Dule u largua nga koalicioni me Edi Ramën pas afrimit të PDIU-së së Shpëtim Idrizit, lëvizje që ka shkaktuar gjithashtu pakënaqësi te LSI.

REMOTE_ADDR:[]
                 Loading...