Mediet zvicerane: Trafiku i drogave në vend kontrollohet nga shqiptarët

Faqja e parë e gazetës zvicerane “Le Matin Dimanche” ka publikuar sot një artikull ku raporton se mafia shqiptare në Zvicër ka marrë në dorë trafikun e të gjitha llojeve të drogës”.

Titulli i artikullit është : “La mafia albanaise règne sur toutesles drogues“.

“Shpërndarja e trafikut të drogës ka ndryshuar në tregun e Zvicrës. Heroinë, kokainë, kanabis tashmë janë në duar të shqiptarëve nga Kosova dhe Shqipëria, ata tashmë e kanë nën kontroll çdo gjë” shkruhet në artikull.

Ky zbulim i madh në politrafik mbështetet në organizimin e përsosur, i lindur nga trafikimi i heroinës. Mjediset shqipfolëse të ngjashme me një mafia, ku dominojnë lidhjet klanore me kodet e tyre. Nuk ka ndonjë Don Corleone, fuqi vetëm e një perandori. Por shumë rrjete të vogla bashkëjetojnë. “Ne nuk e kemi të qartë se kush e kontrollon” tha Olivier Guéniat, nga policia zvicerane e antidrogës.

E përbashkëta e trafikantëve? Ata janë të gjithë shqiptarë. Kjo është thënë nga ekspertët për të treguar se tregu i drogës po ndryshon. Më parë ishte shumë i segmentuar. Shqiptarët dhe kosovarët dominonin tregun e heroinës, kurse afrikanët, tregun e kokainës, kanabisin- zviceranët. Konfiskimet e fundit tregojnë sipas policisë, se skema po ndryshon dhe tregu po dominohet prej shqiptarëve. Gjeneva dhe Zvicra janë vendet e konsumit.

Çdo vit në Zvicër konsumohen 8 tonë pluhur të bardhë dhe 2 tonë të tjera heroinë.

Potenciali i biznesit është i rëndësishëm.

Së fundi, për të financuar trafikimin e kokainës, shqiptarët filluan shitjen e kanabisit, i cili në treg kap sasinë rreth 80 tonë në vit. Droga është transportuar në Zvicër nëpërmjet një diaspore të fortë të shpërndarë në vende kyçe.

REMOTE_ADDR:[]
                 Loading...