Grabitja e bankës në Rinas, në kërkim edhe Klement Çala

21 Shkurt 2017, 17:02Kronika TEMA

Klement Çala nga Elbasani po verifikohet nga Prokuroria e Krimeve të Rënda për një përfshirje të mundshme të tij në grupin e grabitësve blindave me para në aksin Qafë Kashar-Rinas.

Policia ka ndaluar 6 persona, por numri i atyre që po verifikohen si të dyshuar si pjesë e grupit qe grabiti 3.2 milionë dollarë arrin në 12.

Sipas hetuesve, 28 vjeçari nga Elbasani është person me precedent penal në grabitjen e bankave dhe së bashku me kreun e grupit të grabitësve Admir Nikaj (Murataj) në vitin 2013 kanë grabitur bankën kombëtare në Larisa të Greqisë duke marrë prej aty 1 milion euro.

Çala u prangos 1 vit më parë nga policia e Vlorës por ajo çfarë e bën rastin e tij një procedurë të dyshimtë është fakti se pasi ka qëndruar vetëm 3 muaj në qeli ai ka mundur të fitojë sërish lirinë me një vendim të gjykatës së Vlorës.

Çala rezulton një lidhje e vjetër e Murataj dhe grupit të shqiptarëve të arratisur nga Burgu i Trikalas në Greqi.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje