Adriatik Llalla pezullon prokurorin dhe drejtoren e Drejtorisë Gjyqësore, për masakrën e Çoles në Vlorë

23 Shkurt 2017, 09:39Politika TEMA

Prokurori i Përgjithshëm, Adriatik Llalla pezulloi nga detyra Drejtoreshën e Drejtorisë Gjyqësore, Alma Muça dhe prokurorin e Prokurorisë së Përgjithshme, Artur Selmani, si edhe urdhëroi nisjen e hetimit ndaj tyre.

Shkak është qëndrimi i dyshimtë që është mbajtur në Gjykatën e Lartë, lidhur me një çështje që po shqyrtohet për një ngjarje të rëndë në Vlorë.

Ngjarja ka ndodhur në vitin 2015, ku janë masakruar 3 persona pas një konflikti të armatosur.

Prokuroria e Vlorës ka vendosur dënime maksimale për 3 personat e akuzuar. Një prej të pandehurve është dënuar me burgim të përjetshëm, ndërsa dy prej të pandehurve janë dënuar me 35 vjet burg.

Të pandehurit dhe mbrojtësit e tyre kanë dorëzuar rekurs në Gjykatën e Lartë, në të cilën kishin paraqitur pretendimet e tyre lidhur me akuzat dhe dënimet.

Sipas një deklarate për mediat, prokurori Artur Selmani, jo vetëm që nuk ka mbështetur qëndrimet e mëparshme të Prokurorisë, por ai ka kërkuar pushimin e akuzave shumë të rënda, për të cilët të pandehurit ishin dënuar maksimalisht në Vlorë.

Prokurori Selmani pretendon se e ka diskutuar me Drejtoreshën e Drejtorisë Gjyqësore, Alma Muça, këtë qëndrim të dyshimtë.

Prokurori i Përgjithshëm, i vënë në dijeni për situatën, ka urdhëruar menjëherë pezullimin e prokurorit dhe të drejtoreshës, Alma Muça, si edhe ka urdhëruar nisjen e hetimit për veprat penale të “Korrupsionit pasiv të gjyqtarëve dhe prokurorëve….” Dhe “Shpërdorim detyre”, me qëllim për të zbuluar shkaqet e këtij qëndrimi.

Gjithashtu, pjesë e penalizimit administrativ dhe hetimit penal janë edhe ndihmësit gjyqësorë, të cilët kanë përgatitur relacionin për prokurorin.

Masakra e Çoles: Si u vranë tre të rinjtë pas sherrit në kazino

Masakra e Çoles ndodhi në prill të vitit 2015, kur pas një sherri në kazino mbetën të vrarë shtetasit Albi Limaj, Haki Rakipi dhe Ardi Velaj.

Policia arrestoi si autorë të masakrës Aleksandër Llanaj, Ani Begaj dhe Bertil Aliaj. Gjatë seancave të gjata, u dënua me burgim të përjetshëm Aleksandër Llanaj, ndërsa Ani Begaj dhe Bertil Aliaj u dënuan me nga 35 vjet burg në mungesë.

Familjarët e viktimave kanë lëshuar sa herë akuza për padrejtësi në gjykim, e vetëm pak ditë më parë i dërguan letër me shqetësimin e tyre, presidentit Bujar Nishani.

Nga tërësia e provave dhe thënieve të dëshmitarëve ka rezultuar se shtetasit Albi Limaj dhe Ardi Velaj, më dt 07.04.2015, kanë komunikuar me telefon me njëri-tjerin në lidhje me një ngjarje të ndodhur në orët e para të mëngjesit të së njëjtës ditë (që lidhej me shtetasin Xhuljano Maskaj).

Më konkretisht, ka rezultuar se Albi Limaj kishte në përdorim numrin telefonik 0698981270 ndërsa shtetasi Ardi Velaj kishte në përdorim numrin telefonik 0698917379 ku janë rezultuar komunikime telefonike.

Fillimisht komunikimi midis tyre ka filluar në orën 12.33 me telefonatën e shtetasit Albi Limaj në drejtim të numrit telefonik të shtetasit Ardi Velaj.

Më pas, komunikimet e tjera vijojnë në orën 13.50 e në vijim. Rreth orës 14.00 të dt 07.04.2015,  në drejtim të kafe „Ador” janë filmuar duke ecur sëbashku shtetasit Ardi Velaj dhe Haki Rakipi, njëri prej të cilëve është duke pirë cigare.

Më pas, shtetasit Ardi Velaj dhe Haki Rakipi janë futur në njërën nga hyrje të lokalit (lokali ka dy hyrje) duke u futur fillimisht në verandën e lokalit. Ata kanë qëndruar në verandë përballë njëri-tjetrit duke biseduar dhe pirë cigare.

Pas rreth një-dy minuta (kohë fizike), në hyrjen tjetër që të fuste në verandën e lokalit „Ador” janë parë duke hyrë sëbashku shtetasit Albi Limaj dhe i pandehuri Aleksandër Llanaj.

Në momentin që këta të fundit janë futur në verandën e lokalit „Ador” i pandehuri Alekandër Llanaj, duke ecur në drejtim të shtetasve Haki Rakipi dhe Ardi Velaj, ka goditur me armë zjarri në drejtim të tyre duke goditur fillimisht në drejtim të shtetasit Ardi Velaj.

Si pasojë e goditjes me armë zjarri, shtetasit Ardi Velaj i është shkaktuar një plagë në kokë, në anën e majtë (pra në anësore) dhe se pistoleta që ishte pranë shtetasit Ardi Velaj nuk ka realizuar asnjë qitje.

Po kështu, nga i pandehuri Aleksandër Llanaj është goditur më pas, fillimisht në gjoks, shtetasi Haki Rakipi, i cili kishte armë pa viaska, fiksuar në vendngjarje, me të cilën ka goditur tetë herë (sipas aktit të ekspertimit kimik kishte faktor të qitjes) të gjetura në vendin e ngjarjes që i përkasin kësaj arme.

Rezulton se shtetasi Haki Rakipi është goditur për herë të dytë nga arma e të pandehurit Aleksandër Llanaj në kokë, në pjesën e djathtë të tij (pra në anësore).

Nga automjeti tip BMV, me targa AA 323 AO, ka dalë i pandehuri Bertil Aliaj, i cili pasi është futur në anën e lokalit ku ndodhej ende i gjallë shtetasi Albi Limaj duke konstatuar plagosjen e tij.

Shtetasi Albi Limaj ka dalë nga lokali „Ador” nga e njëjta hyrje që edhe është futur në verandën e tij, ndërsa i pandehuri Aleksandër Llanaj, ka dalë nga pjesa tjetër e lokalit nga ku ishin futur dhe qëndronin në verandë të shtrirë në tokë kufomat e shtetasve Haki Rakipi dhe Ardi Velaj.

Rezulton se i pandehuri Aleksandër Llanaj është futur në automjetin BMV X5, me targa AA 323 AO që drejtohej nga i pandehuri Ani Begaj dhe ka komunikuar me këtë të fundit. Më pas, i pandehuri Ani Begaj është afruar tek i pandehuri Bertil Aliaj me të cilin kanë komunikuar dhe ku i ka dhënë armën e luftarake që i pandehuri Aleksandër Llanaj ka bërë goditjet.

Më pas, i pandehuri Bertil Alliaj dhe i pandehuri Ani Begaj si nuk kanë mundur të bëjnë dërgimin në automjet edhe të shtetasit Albi Limaj për shkak se ky i fundit kishte rënë i shtrirë në asfalt, i pandehuri Bertil Aliaj është larguar me  vrap. Gjatë largimit të tij, pandehuri Bertil Alliaj është parë me dy armë dhe rezulton nga akti i ekspertimit kimik se ai ka faktor plotësues të qitjes në dorë.

Ndërkohë që i pandehuri Bertil Alliaj është larguar midis pallateve, i pandehuri Ani Begaj ka dërguar në spital të pandehurin Aleksandër Llanaj për shkak se ky i fundit rezultonte i plagosur. Fillimisht nga vendi i ngjarjes është larguar kufoma e shtetasit Albi Limaj.

Nga kqyrja e kufomës rezulton se në trupin e viktimës vihet re një goditje me armë që i ka shkaktuar vdekjen dhe se gjatë kqyrjes i është gjetur një predhë.

Sipas aktit të ekspertimit balistik, rezulton se predha që i është gjetur shtetasit Albi Limaj është qitur nga arma e të pandehurit Aleksandër Llanaj, ndërkohë që ky ishte spostuar në drejtim të hyrjes tjetër për në verandën e lokal „Ador”  ku ndodheshin shtetasit Haki Rakipi dhe Ardi Velaj.

Si pasojë e goditjeve me armë të të pandehurit Aleksandër Llanaj ka gjetur vdekjen shtetasi Albi Limaj.

Nga sa më sipër, rezulton se i pandehuri Alekësandër Llanaj ka kryer vrasjen me dashje me armë luftarake të shtetasve Haki Rakipi dhe Ardi Velaj, veprime këto të cilat i ka kryer në bashkëpunim  me shtetasit Ani Begaj, Bertil Alliaj dhe të ndjerin Albi Limaj (i cili ka organizuar edhe takimin).

Në lidhje me vrasjen e të ndjerit Albi Limaj, i pandehuri Aleksandër Llanaj duke e ekspozuar këtë të fundit me dashje ndaj goditjeve me armë të realizuara prej tij i ka shkaktuar atij vdekjen.

Përfundimisht, Prokuroria pranë Gjykatës së Shkallës së Parë Vlorë çmon se i pandehuri Aleksandër Llanaj ka kryer veprën penale të „Vrasjes në rrethana cilësuese” të parashikuar nga neni 79/dh i Kodit Penal (të shtetasve Albi Limaj, Haki Rakipi dhe Ardi Velaj) të kryer në bashkëpunim sipas nenit 25 të Kodit Penal në lidhje me shtetasit Haki Rakipi dhe Ardi Velaj, si dhe „Mbajtjes pa leje të armëve luftarake në ambiente publike” të parashikuar nga neni 278 i Kodit Penal.

Ndërsa të pandehurit Bertil Alliaj dhe Ani Begaj kanë konsumuar secili më vete veprën penale të „Vrasjes në rrethana cilësuese kryer në bashkëpunim” (në të dëm të shtetasve Haki Rakipi dhe Ardi Velaj) të parashikuar nga neni 79/dh-25 të Kodit Penal dhe „Mbajtjes pa leje të armëve të zjarrit në ambiente publike” të parashikuar nga neni 278 i Kodit Penal.

Akuza ndaj bazohet në procesverbalin e kqyrjes së vendit të ngjarjes, aktet e ekspertimit kimik, aktet e ekspertimit balistik, aktet e ekspertimit mjeko-ligjor, tabulatet telefonike, përgjimet e kryera, procesverbali për kqyrjen e pamjeve filmike, thëniet e personave të pyetur si deklarues etj.

5 komente në “Adriatik Llalla pezullon prokurorin dhe drejtoren e Drejtorisë Gjyqësore, për masakrën e Çoles në Vlorë”

  1. Vlonjati 12 says:

    Kur do shporret ky deliranti , se edhe kur ecen me shembellen me kunatin e shokut Xhemal , interpretuar nga Zef Deda.
    Po na behet figure e dores se pare nderkohe qe per tere kete kohe nje vere nr uje ka bere per te liftuar korrupsionin
    dhe hajdutet ne pushtet , te te dy kraheve. Te iki e te haj pershesh

  2. Albanistani em i dashtun says:

    Prite kur ta dekoroi Edvin Rama si Visho Ajazin.


    e kush tha qe Adriatik Llalla njehere ne 6 muaj na kujton rolin e Prokurorit te Pergjithshem ne luften kunder cecenave dhe peshqeve te vegjel.

  3. emigranti says:

    eshte personi i pare qe do shporur sepse po mbron gjithe hajdut-kriminelet prandaj dhe saliu, luli kompani shesin mendje sepse ka mbeshtetjen e ketij dhe bujar nishanit.

  4. tomorri says:

    Keq me vjen or ti lum miku por ky person keu eshte me te vertete daun..PU PU PU,kush e ka vene kete ne krye te prekurorise,TURP I MADH.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje