Atletico-Barcelona, ndeshja e 300 e trajnerit Simeone

Share on FacebookShare on Google+Tweet about this on TwitterShare on LinkedInShare on Whatsapp

Kjo fundjavë në kampionatin spanjoll ka rezervuar supersfidën mes Atletico Madrid e Barcelonës. Është një ndeshje që trajneri Diego Pablo Simeone do ta festojë në mënyrë të veçantë, pasi është e 300 për të si trajner i “Los Colchoneros”, shifër të cilën e ka arritur në 5 sezone e gjysmë, duke regjistruar statistikat më të mira për një teknik në historinë e klubit.

Në këto 5 sezone, Simeone ka arritur një bilanc me 187 fitore, 61 barazime dhe 51 humbje.

Përqindja e fitoreve të Atleticos me Simeonen në pankinë është 62.54%, shifër së cilës nuk i afrohet as vetë Luis Aragones, i cili ka arritur deri në 50.24%. E njëjta gjë mund të thuhet edhe në krahun e kundërt, atë të humbjeve. Përqindja e disfatave të madrilenëve me Simeonen është shumë e ulët, 17.06%, ndërkohë që ajo me Luis Aragones është 27.66%. Të dhënat e Atleticos me Simeonen në stol janë përmirësuar ndjeshëm edhe në lidhje me shënimin e golave. Nën drejtimin e tij, “Los Colchoneros” kanë regjistruar një bilanc me 520 gola të shënuar dhe 219 të pësuar, me një mesatare prej 1.74 gola të shënuar e 0.73 të pësuar për ndeshje.

Këtë fundjavë, ndaj Barcelonës, Simeone e Atletico kanë mundësinë për të bërë më të mirën e tyre për të qenë plotësisht në garë me Seviljen për vendin e tretë, e sidomos për të thyer tabunë katalanase. Në të vërtetë, Barcelona është e vetmja skuadër ndaj së cilës trajneri argjentinas ka statistika negative, në 20 ndeshje të zhvilluara me kampionët e Spanjës, Atletico ka mundur të fitojë vetëm 2 herë.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *