Është mbyllur në barazim dhe sfida e fundit e javës së 23-të mes Tiranës dhe Flamurtarit.
Sfida e zhvilluar në “Selman Stermasi” përfundoi me rezultatin e bardhë 0-0, me të dyja ekipet që ndajnë nga një pikë.
Një 90-minutësh aspak emocionues u luajt në kryeqytet kjo dhe për faktin se në shkallët e stadiumit ishte një numër shumë i vogël tifozash.
Ky është një tjetër hap fals për Tiranën që vijon serinë e rezultateve negative ku ka 5-javë që nuk arrin të marrë asnjë fitore.
E njëjtë është dhe situata tek Flamurtari që renditet në zonën e ftohtë të rënies nga Kategoria.
Pas këtij barazimi Tirana renditet në vendin e 5-të me 28-pikë, ndërsa Flamurtari pozicionohet në vendin e 9-të me 21-pikë.