“PD po tenton të bllokojë hetimin e 21 Janarit e Gërdecit, Basha frikë nga rivaliteti me Topallin, mundohet t’i ngjajë Berishës”

26 Shkurt 2017, 12:57Politika TEMA

Kryetari i Partisë Social Demokrate, Skënder Gjinushi ka deklaruar se protesta e opozitës për manipulimin e zgjedhjeve të 18 qershorit është absurde.

Sipas ish-kryetarit të Parlamentit arsyeja e vërtetë që Partia Demokratike ka dalë në shesh lidhet me bllokimin e reformës në drejtësi.

Gjinushi ka komentuar edhe deklaratën e Lulzim Bashës për destabilitet të vendit duke thënë se një deklaratë e tillë vjen në kushtet kur pozitat e Bashës në PD po lëkunden ndjeshëm nga Jozefina Topalli.

Sipas kreut të PSD reforma në drejtësi duhet realizuar një orë e më parë, pasi janë shumë çështje të mëdha si 21 Janari, Gërdeci apo vjedhja me Rrugën Durrës-Kukës, për të cilët shqiptarë kërkojnë që të vihet drejtësi.

Po ashtu, Skënder Gjinushi per “Sot” i konsideron mjaft absurde edhe deklaratat e ish-kryeministrit Sali Berisha në lidhje me rolin e dy ambasadorëve, Donald Lu dhe Romana Vlahutin.

-Prej më tepër se një javë tashmë Partia Demokratike është duke zhvilluar një protestë. Arsyeja, siç ka deklaruar Lulzim Basha, lidhet me manipulimin e zgjedhjeve. Si e shihni këtë protestë dhe a janë vërtetë të kërcënuara zgjedhjet e 18 qershorit?

Në fakt asnjë nuk e ka të qartë se çfarë proteste është kjo. Do ta quaja një protestë paradhënie. PD ka dalë në protestë dhe thotë se “kundërshtojmë vjedhjen e votës” që mund të bëhet në 18 qershor. E thënë ndryshe këtu kemi të bëjmë me një kërkesë, pra PD duke mos pasur fuqinë për të fituar në zgjedhje, madje kryetari i saj i fiksuar e di mirë se zgjedhjet i humbet, ndaj ndërtoi alibinë se zgjedhjet janë tashmë të manipuluara duke dalë në shesh dhe duke kërkuar zgjedhje të lira edhe të ndershme.

Zgjedhjet e lira edhe të ndershme i kërkojnë të gjithë, puna është kush i garanton ato. Me ndryshimet që kanë ndodhur vitet e fundit është e qartë se mekanizmat që një qeveri të ndikojë në zgjedhje janë zvogëluar. Pra, zgjedhjet e ndershme garantohen nga qeveria  e zgjedhjeve që është KQZ. Zgjedhjet e lira edhe të ndershme garantohen gjithashtu nga klima e përgjithshme, pra a janë palët në një mendje, edhe nga media. Pra, nëse kjo e fundit është apo jo e balancuar në fushatë. PS dhe PD janë njësoj përgjegjëse në arritjen e standardeve të zgjedhjeve.

Problemi më i madh që kanë pasur vazhdimisht zgjedhjet ka qenë përdorimi i KQZ-së, sidomos në vitet 2009 apo 2011, kur u vodh mandati i kryetarit të Bashkisë së Tiranës nëpërmjet KQZ-së. Para këtij realiteti PD nuk ka se kujt ti kërkojë zgjedhje të lira edhe të ndershme përveç vetes. Që kjo është një alibi e tregon edhe shqetësimi për blerjen e votës. Nëse lexon raportet e ndërkombëtarëve për blerjen e votës nuk është akuzuar drejtpërdrejt PS, madje edhe vetë PD nuk e ka akuzuar PS-në. E dyta, blerja e votës është një element jashtë procedural. Nëse i referohemi historisë, dhunuesja dhe deformuesja e votës në Shqipëri ka qenë PD. Pra, nëse PD është vërtetë  e shqetësuar për zgjedhjet duhet të pranojë rekomandimin e partnerëve për depolitizimin ne komisioneve të administrimit të votës.

-Në vijimësi të qëndrimeve të saj mazhoranca qeverisëse me anë të Edi Ramës dhe jo vetëm, ka deklaruar se arsyeja e vërtetë e protestës së Partisë Demokratike lidhet me bllokimin e vetingut. Në këndvështrimin tuaj a qëndron kjo tezë?

Tani është e qartë që arsyeja reale e protestës është pikërisht bllokimi i reformës në drejtësi. Papritur protesta shoqërohet me bojkot të Kuvendit, në një kohë që të gjitha kërkesat e saj bëhen edhe realizohen pikërisht në Kuvend. Nëse do të ndryshosh diçka tek zgjedhjet duhet të bësh disa ndryshime ligjore, e cila bëhet në Kuvend duke pranuar rekomandimet e OSBE/ODIHR. Pastaj dalim në një tjetër qëndrim absurd që tregon pozicionimin kundër reformës. PD thotë më “garanto zgjedhjet e lira dhe të ndershme që të votoj vetingun”.

Por zgjedhjet bëhen në 18 qershor, pra ata kërkojnë që edhe vetingu të bëhet pas 18 qershorit. PD vijon me teorinë se gjithçka duhet ta bëjë ajo. Përpjekja për të mos lejuar vetingun lidhet drejtpërdrejt me mospenalizimin e të korruptuarve, pasi dihet se një pjesa dërrmuese e tyre janë në krahun e PD. Njerëzit janë lodhur nga akuzat për korrupsion, por nuk duhet të harrojmë se ka shumë ngjarje korruptive në vend siç janë Gërdeci, 21 Janari apo Rruga Durrës- Kukës, të cilat shqiptarët kërkojnë të vihet drejtësi. Të gjitha këto bëhen duke pastruar gjyqësorin në mënyrë që ky i fundit më pas të ketë mundësi të pastrojë edhe politikën.

E vetmja mënyrë për të pastruar gjyqësorin, për të mos pasur kontestime është që të merret një i tretë si garant, në rastin konkret faktori ndërkombëtar. Në këtë pikë PD ka bërë një autogol. Këtu kemi të bëjmë me një paradoks pasi në çdo çështje të madhe PD është mbrojtur duke kërkuar prezencën e ndërkombëtarëve për çështje të mëdha. Të vijnë gjykatës të huaj, të vijnë prokurorë të huaj, ndërsa tani në mënyrë të pakuptueshme ndodh e kundërta.

-Pak ditë më parë gjatë një emisioni televiziv, ish-kryeministri Sali Berisha deklaronte se dy ambasadorët më të rëndësishëm në vend, Donald Lu dhe Romana Vlahutin po sillen si guvernatorë. Ju si i shihni këto deklarata dhe a mendoni se ka diçka të vërtetë në këtë mes? 

Ç’është e vërteta, disave mund t’u duket e tepruar ndërhyrja e ambasadorëve, por ti ke pranuar dhe ke kërkuar që reforma në drejtësi, për të garantuar paanësinë të mbikëqyret nga ndërkombëtarët. Po Venecian guvernatore duhet ta quajmë? I kërkove Venecias që të të japë ndihmë, i kërkove OPDAT e OSBE ndihmë dhe të gjithë këtë për të garantuar paanshmërinë. Kushtetuta u servir si një konsensus, por që u shkelmua tej. Pra nuk kemi të bëjmë me guvernatorë të kësaj reforme, por me monitorues të paanshëm të realizimit të saj. Ata e kanë vënë në Kushtetutë ndërtimin e ONM, e kanë votuar, ndërsa kur ngrihet bordi thonë çfarë është ky bord. Tani bordi do të përbëhet nga njerëz, mision pa njerëz nuk mund të ketë. Pra, kjo tregon se sa shumë të trembur janë nga reforma. E para tremben nga procesi i vetingut dhe sepse kanë kuptuar tashmë që ndërkombëtarët e kanë marrë seriozisht këtë proces. Kjo kuptohet shumë lehtë në çdo lëvizje apo qëndrim të opozitës.

-Lulzim Basha pak ditë më parë u bëri publikisht qytetarëve të reagonin për të drejtat e tyre qoftë kjo edhe me dhunë. Si ju duken deklaratat e Bashës dhe a po tenton PD të destabilizojë vendin me këto thirrje?

Në radhë të parë kjo ishte një thirrje dëshpëruese, të kujton thirrjet e frikacakut, që për të larguar frikën fillon edhe këndon. Krejtësisht e papërgjegjshme që tregon një lider se sa mban. Në radhë të parë ai e bën këtë nga frika, në radhë të dytë nga gara me Jozefinën. Po duke i thënë se Basha nuk është lider i fortë dhe lidere më e fortë është një grua siç është Jozefina Topalli, Basha në një farë mënyre kërkon të gjejë shpëtim duke bërë deklarata të tilla. Pavarësisht se në deklarata Basha ka filluar t’i ngjajë Berishës, përsëri nuk e konkurron dot Jozefinën.

Pavarësisht përmbajtjes së deklaratave është e qartë se ato nuk mund të merren seriozisht dhe qartazi tregojnë një njeri të dëshpëruar, i cili e di mirë se nuk mund të bëhet kurrë lider. Ai përpiqet të kopjojë, të sillet si Saliu, por është shumë larg tij në çdo aspekt. Ky del në shesh me frikën se do ti villen zgjedhjet, por çfarë mund të thonë qytetarët e Tiranës të cilëve iu tjetërsua vullneti në 2011. Sipas PD qeveria legjitime ka të drejtë të vrasë, edhe kur e kalon edhe kur se kalon gardhin. Larg qoftë të ishte Luli tani në pushtet, pra PD kur është vetë në pushtet i jep çdo të drejtë qeverisë, kur është në opozitë i jep çdo të drejtë përsëri vetes, pra kemi të bëjmë me një kontrast të pastër qëndrimesh.

-Një nga debatet që është artikuluar në skenën politike ka qenë edhe ai i krijimit të një qeverie teknike për zhvillimin e zgjedhjeve parlamentare të 18 qershorit. A mendoni se duhet bërë diçka e tillë?

Nuk mendoj se është momenti dhe se ka arsye të flitet në këto momente për qeveri teknike. Qeveria e zgjedhjeve është Komisioni Qendror i Zgjedhjeve, janë sigurisht edhe mediat. Këtu dalim në një tjetër deklaratë të çuditshme të zotit Basha, i cili përdor fjalën përmbysje. Në demokraci nuk ekziston ky term. Në demokraci ka rotacion, qeveritë i lënë vendin njëra-tjetrës. Gjithsesi, e përsëris se nëse vërtetë Partia Demokratike është e shqetësuar për zgjedhjet atëherë duhet të vijojë dialogun në Parlament për të përmbushur rekomandimet e partnerëve ndërkombëtarë. Dua ta përsëris edhe një herë kur një parti politike thërret militantët e vet për një kërkesë të saj për të ardhur në pushtet, atëherë kjo nuk është protestë, por është kërkesë. Kërkesat nuk bëhen në rrugë. Luli ka vendosur ta bëjë në çadër, pra ai kërkon të paraprijë humbjen që e pret në 18 qershor.

18 komente në ““PD po tenton të bllokojë hetimin e 21 Janarit e Gërdecit, Basha frikë nga rivaliteti me Topallin, mundohet t’i ngjajë Berishës””

  1. Ata tallin menderet says:

    Ti ishe aq i zgjuar sa sherbeve ne qeverite e komunizmit, o enverist i pashembullt. Po pse kemi nevoje per mend e tua apo te shokeve te Partise te na rrefesh kete sekret te madh.

  2. eri says:

    Ce nxirrni kete monstren e 97 tes ne shtyp akoma, kete hije te kuqe.

  3. Faro says:

    Ku eshte burri me i zgjuar ne Shqiperi.
    Te lumte prof. Gjinushi!

  4. Arjushka says:

    Qarte dhe shkurt! Si gjithmone Prof Gjinushi eshte nje analist i shkelqyer!

  5. Lin Berisha says:

    Brravo Skender . Lulja vrau veten kur vodhi mandatin e kryetarit te bashkise Tiranes , po mos te vidhte mandatin, dhe Edi Rama te ishte kryetar bashkie Lulja mbase kishte nje mundesi me shume per tu bere kryeminister , tani ben mire te kaloje nje here nga prokuroria dhe te na tregije cfare ndodhi me fondet e rruges Kukesit rruges Flamur Noka dhe te deshmoje per vrasjet ne bulevard pasi te pastrohet nga keto akuza te bertasi dhe te kerkoje te behet kryeminister dhe te merret me shpetimin e Saliut

  6. Shoku shpati says:

    Vetem nje gje te mire la Bo rama
    Kete e qeroi me gjith parti.

  7. Star says:

    Eshte politikani me i mprehte dhe me i logjikshem ne Shqiperi qysh me 1990-te. I sakte dhe shume konciz.

  8. sopiqoti says:

    Si kur Lulzim Basha te kishte gjysmen e mencurise te Prof Skender Gjinushi,PD-ja ,qe eshte nje pasuri kombetare,nuk do te ishte katandisur ne ate gjendje qe eshte SOT.

  9. Luli says:

    Gjinushi eshte i vetmi burr i zgjuar qe ka betur ne kete vend pasi te mençurit iken jashte shtetit ,trimat u vrane ne lufte me Saliun e ketu kane mbetur vetem ata qe jetojne nen minimalet e jeteses dhe budallenjte qe i vene Lulit nga mbrapa e Sales nga perpara.Thone qe Lulka keron Arvizun te rivije si i derguar i planetit mirpo problemi eshte se tashme Europen e ka marre ne dore Vladimiri e per pasoje kerkon te zevendesoje Lulken me ekstremin e djathte Jozefine Zhelen!Ndaj edhe Sala ka mbetur si peshku pa uje se satra(m)pi nuk ia veshelen me atyre qe kane stema nen xhaketa ne Europen tashme te bere bordello nga Salinjte e shumte !

  10. Arti says:

    Z.Gjinushi.!
    Je profesor dhe njeri i nderuar.
    kush të njeh,ta di vlerën.
    Kjo është kohë e politikës së qelbur.
    Jeni të paktë ju,që u shkolluat dhe formuat në MONIZËM,
    por ditët të dilni prej tijë.
    Fatkeqësi që politikën tek ne vazhdojnë ta bëjnë
    “Komunistët”e flaktë,që në të vëtetë dhe komunist
    nuk ishin.Por HIBRID të rrezikshëm komunizmi.
    Respekt për ju!

  11. Bushi says:

    Pershendetje zoti Gjinushi!Je vertete nje kuader i mençem,i zoti dhe nje analist shume i mpreht.Me vjen keq qe nuk te ndihmon fati te jeshe aktive ne pushtet me partine tende.Ti e meriton te jesh ne qeveri,parlament.Te gjitha ato qe shkruaje i lexova me vemendje dhe jane tamam ashtu siç i thoni ju.Ajo shprehja e frikacakut i shkon shume Bashes.Kur nje frikacak,per t’i dal frika,kendon.Edha Basha qe eshte ne grahmat fundit ka filluar te kendoi per t’i dale frika.Ai nuk ka me turp.Bene thirrje per lufte.Me cilin do luftoi ai mut kryetare? Me serbin,grekun,rusine,apo me gjermanin.Ai kerkon te fus ne lufte shqipetarin me shqipetarin,per bythen e tij,per karrigen e tij.Ai do qe t’i shpetoi vetigut se eshte njeri i dhjere kembe e koke ne krime.Prandaj i ka hyre frika ne palce.Por nuk ka per t’ja arritur qellimit,se populli eshte nje lum i rrembyeshem qe do mare perpara,te gjithe keta qe bejne thirrje per lufte.

  12. Aseni says:

    Logjike e paster matematike, “qeverite zevendesohen, bejne rotacion, nuk permbysen”.

  13. Gerti says:

    Mbylle buqen o skender! Vetem surratin tend ta shofesh te vjen per te vjell ate qa kam ngrene gjate 30 vjetve.Ik e gjej ndonje bunkier ne siberi e haji me mut ato lek qe ke vjedhur se te shkoj jeta vec me manipulime dhe intriga.

  14. populli says:

    Gjinushin e shajne injorantet.Do ishte mire te na drejtonin intelektuale si Gjinushi ,Milo etj.etj, ,por sot nevojiten te paaftet per nje aresye shume te thjeshte:ti kene nen urdhera per te vjedhur rehat rehat………..

  15. Toni Vorë says:

    Dy gjëra janë të pafundme në këtë jetë, universi dhe pafytyrësia e këtij plehu.

  16. Eduart says:

    Po pse ka akoma si Gjinushi dhe bijte e ministrave te diktatures pa po shkon shqiperia per lesh vendi me diktature me te eger ne Europe pa ligj lustracioni cunat e ministrave kryetareve KQPSH per cudi prap ne krye akoma dhe me te forte se populli harroka shpejt

  17. Gerti says:

    Po mbylle buqen o hajdut se gjithe njelloj jeni.Vec intriga e manipulime te shkoj jeta o plak i keq.Per te vjell na vjen vec me la surratin tan.I hengsh me mut lekt e shqiptarve qe ke vjedh.

  18. Tafil Guri says:

    I vetmi njeri qe ja mblidhte Sales, me te cilin ai jo vetem qe nuk u kruajt kurre. Jo vetem kaq por Pr. Gjinushi tallte edhe menderen me Salen.
    E mbani mend rastin ne Kuvend kur Saliu nuk pushonte. Cfare nuk thoshte. Si sot. Por atehere ja mblidhte Gjinushi. Sot kush tja mbledhe.
    “Ne na gjeti si fshatin me budallane, tha Skenderi. Budallai hidh nje gur ne lume, o burra fshati ta nxirrte”.
    “Po ky budallai yne, hedh nga nje gur perdite.” Plas gazi ne Kuvend…
    “Tani fshatit nuk i ka mbetur gje tjeter. Te marre budallane e ta hedhe ne lume, e te shpetoje”
    Gazi nuk pushonte ne Kuvend…
    “Replike, replike… thote Saliu.
    “Na mo, se nuk e kishte me ty, i thone nga salla… E vu gazi. Brinjet me dore.
    E di vete ai se kush eshte budallai, pergjigjet Gjinushi.
    Hall i madh e zuri Saliun. Te vazhdonte te kerkonte Replike e te deklaronte publikisht qe ishte budalla, apo te mos kerkonte replike e te mos deklarohej budalla.
    Rrinte si gallof ne kembe, nderkohe qe gazi nuk pushonte

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje