BE: Dialog në Parlament për “Vetting”-un e zgjedhjet. Do preferonim që palët t'i mbyllnim në një dhomë deri në përfundim të reformave

1 Mars 2017, 15:31Politika TEMA

Presidenca malteze e Bashkimit Europian u ka bërë apel opozitës dhe pozitës që të ulen menjëherë në dialog në Parlament për të arritur konsensus për “vetting”-un dhe ndryshimet në Kodin Zgjedhor, në mënyrë që në shtator të mund të hapen zyrtarisht negociatat e anëtarësimit.

Në të kundërt, sipas ambasadorit maltez Pulis, Shqipëria duhet të presë majin e vitit 2018 për të parë se ç’mund të ndodhë në komunikimin me Komisionin Europian.

“Ne nuk jemi të shqetësuar nga njerëzit që protestojnë në rrugë. Është shfaqje e demokracisë, por ka protesta dhe protesta. Do të preferoja që të dy palët t’i fusim në një dhomë me dyer të mbyllura dhe t’i mbajmë aty deri kur të arrihet një zgjidhje për reformat.

Është një problem i krijuar vetëm 3 muaj para zgjedhjeve, ndaj nuk kuptoj pse palët nuk ulen në Parlament për të konkretizuar dialogun për ‘vetting’-un dhe zgjedhjet”, tha Godwin C. Pulis, ambasador i Maltës.

Sipas numrit dy të delegacionit të BE-së në Tiranë, Jan Rudolf, mesazhi i dialogut në Parlament për reformat do t’u përcillet të premten palëve politike në vend, edhe nga shefja e diplomacisë europiane, Federica Mogherini.

“Vetëm kur të ketë progres të prekshëm në Reformën në Drejtësi dhe në veçanti në procesin e ‘vetting’-ut do të ketë një datë për hapjen zyrtare të negociatave. Këtë mesazh do të përcjellë edhe vet zonja Mogherini të premten në Tiranë”, tha Jan Rudolf, kreu i seksionit politik BE.

1 komente në “BE: Dialog në Parlament për “Vetting”-un e zgjedhjet. Do preferonim që palët t’i mbyllnim në një dhomë deri në përfundim të reformave”

  1. koha jone says:

    DY KEMBET NE NJE KEPUCE , BARAVO EUROPA , PA JU ,SHQIPERIA KAPITULLON SI SHTET . SHQIPETARET JANE KOKESHKEMBA , NUK KANE DIPLOMACI ,.I PELQEN ANARSHIA ,SEPSE SHIJND LAME . MJERE POPULLI SHQIPETAR, QE ESHTE KAQ INDIFERENT PER FATET E SAJ .

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje