Mustafa: Demarkacioni do të ratifikohet, vizat do të hiqen

Kryeministri i vendit, Isa Mustafa deklaroi se Marrëveshja për Demarkacionin e Kufirit me Malin e Zi do të ratifikohet nga deputetët e Kuvendit të Kosovës.

“Ratifikimi nuk duhet të dështojë pasi bëhet fjalë për shtetin. Asnjë shtet nuk ka paraqitur problem dhe ne do ta bëjmë. E vetmja gjë që vetëm mund të ketë vonesë rreth liberalizimit të vizave. Nuk jemi të interesuar që të prolongohet liberalizimi i vizave”, tha Mustafa.

Kryeministri nuk e tha me saktësi se kur do të dërgohet për ratifikim në Kuvend kjo marrëveshje, por përmendi disa procedura paraprake deri te votimi nga përfaqësuesit e popullit.

Ndërkohë, opozita është zotuar se nëse marrëveshja sillet në kuvend për ratifikim do të bëjë çdo gjë për ta penguar, duke mos përmendur format që do të përdoren.

REMOTE_ADDR:[]
                 Loading...