Nga dy sulmet me bomba në Kabul të Afganistanit humbën jetën 16 persona dhe u plagosën 40 të tjerë.
Përgjegjësinë për sulmet i kanë marrë talebanët.
Një makinë-bombë shpërtheu në portat e selisë së policisë në perëndim të kryeqytetit.
Policia tha se disa militantë më pas hynë në oborrin e policisë dhe u përplasën me policinë.
Ndërkohë, një kamikaz hyri në një zyrë në lindje të Kabulit, ku gjendet agjencia kombëtare e inteligjencës dhe shpërtheu eksplozivët e tij.
Dy persona humbën jetën.