Shefi i GdF: Sasia e kanabisit të sekuestruar është 2-fishuar falë bashkëpunimit me Policinë Shqiptare

Share on FacebookShare on Google+Tweet about this on TwitterShare on LinkedInShare on Whatsapp

Sasia e lëndës narkotike të sekuestruar nga Guardia di Finanza falë bashkëpunimit me Policinë shqiptare është dyfishuar krahasuar me 1 vit më parë.

Këtë deklaroi Komandanti i Përgjithshëm i Guardia di Finanzas, Giorgio Toschi pas takimit që zhvilloi me ministrin e Brendshëm Saimir Tahiri.

‘’Të dhënat janë shumë të mira. Vitet e fundit janë zhvilluar shumë fluturime për të zhvilluar kontrollet kundër lëndëve narkotike.

Këto fluturime kanë ndihmuar në evidentimin e shumë parcelave të cilat më pas janë asgjesuar. Shkëmbimi i informacioneve ka bërë që në bashkëpunim me Policinë shqiptare të dyfishohet sasia e kapur duke arritur në 20 ton’’, theksoi Giorgio Toschi.

Ministri Tahiri edhe një herë deklaroi se 2017 do të jetë viti ku Shqipëria përfundimisht do të ndahet nga fenomeni i kanabisit.

Ai i kërkoi drejtuesve të Guardia di Finanza nisjen më herët të misioneve të kontrollit ajror, kërkesë e cila gjeti mbështetjen e palës italiane.

‘’Jemi shumë të vendosur për të bërë atë që nuk është bërë kurrë më parë. Ashtu si filluam me Lazaratin që ishte një njollë turpi këtë vit i japim fund fenomenit të kanabisit.

Për këtë qëllim kemi nisur më herët punën për parandalimin e kultivimit.

Në kuadër të këtij plani i kërkova komandantit të Guardia di Finanza të nisë fluturimet edhe më herët se një vit më parë’’, shtoi ndër të tjera ministri Tahiri.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *