Presidenti Ivanov luftë “Platformës shqiptare”, i ankohet SHBA-ve, BE-së, NATO-s dhe Erdoganit

Share on FacebookShare on Google+Tweet about this on TwitterShare on LinkedInShare on Whatsapp

Presidenti i Republikës së Maqedonisë, Gjorge Ivanov, vazhdon që të luftojë “Platformën shqiptare”, të cilën e konsideron si përgjegjëse për krizën politike që ka kapur Maqedoninë.

Madje ai ka kërkuar ndërhyrjen e ndërkombëtarëve për ta zgjidhur krizën.

Në prag të mbledhjes së Këshillit të Evropës, Ivanov u është drejtuar me një letër anëtarëve të Këshillit Evropian, kreut të Këshillit Evropian Donald Tusk, sekretarit të përgjithshëm NATO-s Jens Stoltenberg dhe dy partnerëve strategjik të Republikës së Maqedonisë, presidentit të SHBA-së dhe atij të Turqisë, Donald Tramp dhe Rexhep Taip Erdogan që ta dënojnë “Platformën shqiptare”.

 

“Platforma e Tiranës është bërë kusht për formimin e Qeverisë së Maqedonisë. Dokumenti i platformës është miratuar pa zgjedhjeve në një shtet tjetër, në kabinetin e një shteti të huaj dhe me kryeministrin e një vendi të huaj. Me këtë platformë rrezikon sovranitetin dhe pavarësinë e shtetit, duke e çuar Republikën e Maqedonisë në një pozitë të nënshtrimit apo varësisë në lidhje me një vend tjetër. Zbatimi i platformës nënkupton ndryshime në Kushtetutë që do të rrezikojnë karakterin unitar të shtetit. Platforma shkel Marrëveshjen e Ohrit, e cila rregullon marrëdhëniet e bashkësive etnike, me gjendjen e Republikës së Maqedonisë dhe marrëdhëniet e tyre reciproke. Në kundërshtim me Marrëveshjen e Ohrit, platforma është diskriminuese ndaj komuniteteve tjera etnike, sepse vetëm prioritet i një komuniteti. Kjo platformë e Tiranës destabilizon më tej situatën e brendshme politike dhe rrit tensionet etnike në Maqedoni”.

Në letër, Ivanov bën dhe një pasqyrim të situatës aktuale në Republikën e Maqedonisë.

“Republika e Maqedonisë tanimë dy vjet e gjysmë po kalon nëpër një krizë të thellë politike. Me lehtësimin e BE-së dhe SHBA-ve u arrit Marrëveshja e Përzhinës si parakusht për organizimin e zgjedhjeve e parakohshme parlamentare të lira dhe demokratike dhe formimi i qeverisë së RM-së që do të fokusohej në reformat prioritare.

Më 11 dhjetor 2016 u mbajtën zgjedhjet e lira dhe demokratike, të cilat u përshëndetën nga të gjitha palët. Por në vend të daljes nga kriza dhe fokusimit në përmbushjen e reformave prioritare, ne sërish u gjendëm në një krizë të thellë politike. Gjegjësisht, pas zgjedhjeve, tre nga katër partitë politike shqiptare në Republikën e Maqedonisë në mbështetjen e kryeministrit të Shqipërisë, Edi Rama dhe ministrit të tij për punë të jashtme në Tiranë krijuan Platformën për shqiptarët e republikës së Maqedonisë”, thuhet mes tjerash në letrën e Ivanovit, drejtuar institucioneve të lartpërmendura.

Ivanov thekson në letër se “Platforma shqiptare” u shndërrua në kusht për formimin e Qeverisë së Republikës së Maqedonisë.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

3 komente në “Presidenti Ivanov luftë “Platformës shqiptare”, i ankohet SHBA-ve, BE-së, NATO-s dhe Erdoganit”

  1. Anila Veto says:

    Te zbatosh nje Marreveshje per te cilet kane rene dakort te gjitha palet, sic eshte ajo e Ohrit eshte detyrim, dhe detyrimeve i bejne bisht vetem frikacaket! Per me shume Shqiperia si shtet meme ka pergjegjesine, sipas kushtetutws qe te drejtat e shqiptareve te mos neperkemben.

  2. NK says:

    DHELPRA dhe RRUSHI i ATHËT

    MOS PO KËRKON KREDI edhe ato FALAS që të ndërtojnë FURRA të SOFISTIKUARA PËR SHNDËRRIMIN e SHQIPTARËVE në GAZËRA!

  3. !!! says:

    Po shqiptaret e FYRO-it pse flene gjume!?

Lini një Përgjigje

Adresa juaj email nuk do të bëhet publike. Fushat e domosdoshme shënohen *