Donald Tusk u rizgjodh sërish në krye të Këshillit të Evropës.
Ish-kryeministri polak mori 27 vota mbështetëse për të vijuar edhe 2 vite e gjysmë në krye të Unionit.
“Mirënjohës për besimin dhe vlerësimin pozitiv. Do të bëj më të mirën për një Bashkim Evropian më të mirë”, ishte reagimi i parë i Tusk përmes rrjeteve sociale.
Habia më e madhe ishte se në këtë proces, Tusk është kundërshtuar me forcë nga Polonia, atdheu i tij.
Qeveria polake nuk ishte dakord me zgjatjen e mandatit për të, duke e akuzuar se ka shkelur kompetencat duke ndërhyrë në çështjet e brendshme të vendeve anëtare.
Me këtë rizgjedhje, Donald Tusk pritet luajë një rol të rëndësishëm në bisedimet për shkëputjen e Britanisë së Madhe nga BE.