Në Kajro të Egjiptit u bë një zbulim i madh arkeologjik.
Ndërsa po gërmonin në një nga getot e kryeqytetit, disa punëtorë gjetën gjurmë rrënojash.
Pasi lajmëruan autoritetet dhe u vazhduan gërmimet, rezultoi se në këtë vend gjendej e varrosur një statujë gjigante 3 mijë vjeçare e faraonit egjiptian, Ramses II.
Për arkeologët kjo është një nga zbulimet më të mëdha të bëra ndonjëherë.
Kërkuesit gjetën pjesën e bustit të trupit dhe pjesën e poshtme të kokës.
Ata gjetën edhe statujën me përmasa reale të punuar në gur gëlqeror të faraonit Seti II.
Statujat ishin të fshehura në rrugët e baltosura.
Sipas historianëve, në këtë hapësirë ka qenë ndërtuar qyteti i Heliopolisit, banorët e të cilit i faleshin zotit Ra, krijuesit të gjithësisë.