Deputeti socialist: Të bëjmë 71 deputetë këto zgjedhje, që PS të qeverisë vetëm

Deputeti socialist Pjerin Ndreu, ka shprehur dëshirën e tij, që PS të marrë më shumë se 71 deputetë në zgjedhjet e 18 qershorit, në mënyrë që të qeverisë e vetme, pra pa LSI-në.

Këtë gjë ai e ka thënë gjatë një takimi me të rinjtë socialistë në Pukë dhe Fushë-Arrëz.

“Të jemi bashkë në një fitore të madhe të Partisë Socialiste të Shqipërisë më 18 qershor, me Edi Ramën kryeministër, me qeveri të plotë të PS-së dhe me një shumicë dërrmuese në grupin parlamentar, me më shumë se 71 deputetë.

Ky është një zotim që e kemi marrë në Pukë, në Shkodër dhe në gjithë Shqipërinë”, ka thënë Ndreu.

Tashmë nis fushata elektorale dhe deklarata të tilla sapo vijnë e shtohen nga të dyja partitë e mazhorancës.

Në këtë takim, Ndreu ishte i shoqëruar edhe nga koordinatori socialist për qarkun e Shkodrës, Ditmir Bushati.

Ai u ndal tek reforma në drejtësi e bllokuar nga Partia Demokratike që sipas tij po synon t’i fusë shqiptarët në një ngërç politik.
Më tej ministri  ftoi të rinjtë dhe gjithë shqiptarët që të bënin diferencën mes PS dhe PD.

“Shqipëria është përball dy alternativave. Njëra alternative është 18 qershori dhe alternative tjetër 18 shkurti. 18 qershori, për të cilin ne po punojmë do të thotë të përsërisim një kontratë me qytetarët shqiptarë, në mënyrë që të thellojmë reformat dhe të afrojmë Shqipërinë më Bashkimin Evropian” cu shpreh ministri Bushati.

REMOTE_ADDR:[]
                 Loading...