Samsung ‘harron’ Note 7, rikthehet me S8

29 Mars 2017, 18:57Hi-Tech TEMA

Ashtu siç kishte premtuar, Samsung mbërriti plot risi me modelin e fundit të serive Galaxy, S8.

Telefoni inteligjent dallon nga paraardhësit e tij që në pamje. Ndryshimi kryesor dhe më i madh sa i takon pamjes është butoni fizik “Home”. Tek S8 ky buton është hequr fare dhe është zëvendësuar me ikonën “Home” në ekran.

Ekrani i S8 dhe S8+ janë më të mëdhenj se S7 dhe S7 Edge, megjithëse vetë pajisja është më e vogël në krahasim me dy modelet paraardhëse.

Sa i takon sistemit, ai është versioni i fundit i Android, ndërsa risia e madhe është Bixby, asistenti virtual që vjen shumë herë më i përmirësuar. Bixby nuk kupton dhe komunikon vetëm përmes zërit, por edhe përmes ekranit.

Ky asistent e di gjithmonë se çfarë shtypni ju në ekranin tuaj dhe ju vjen në ndihmë në forma të ndryshme, që nga identifikimi i një sendi a objekti që fotografoni deri tek dhënia e opsioneve sesi funksionon apo ku mund të gjendet objekti në fjalë.

Galaxy S8 dhe S8+ janë pajisjet e para të hedhura në treg nga Samsung që prej “bllofit” të vjeshtës së 2016, kur tërhoqi nga tregu Note 7 për problemet e shfaqura me baterinë.

S8 dhe S8+ do të jenë gati për treg më 21 prill, i pari për shumën rreth 750 euro dhe i dyti për rreth 900 euro.

1 komente në “Samsung ‘harron’ Note 7, rikthehet me S8”

  1. samsungisti says:

    Mesa duket, edhe kjo seri telefonash do jete nje deshtim. Shikoni se si vecantia kryesore e ketij telefoni, njohja biometrike e pronarit, eshte jo vetem problematike, por edhe nje rrezik i madh per sigurine e telefonit: https://youtu.be/q8ZU1mtOwjQ

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje