Doktor kthehu, do të votoja ty para Ramës, por...

31 Mars 2017, 09:56Politika TEMA

Administratori i UET dhe botuesi i Mapo i përgjigjet ish-kryeministrit pas akuzave  të tij nga protesta e opozitës ndaj universitetit.  “E mirëkuptoj populizimin e ditës, por kjo nuk do të thotë se intelektualisht nuk jam i lirë apo mund të kërcënohem nga dikush për ruajtjen e koherencës së ideve të mia”.

Nga Henri Çili

Ish-kryeministri Sali Berisha, duke folur dje në protestën e opozitës në bulevard pa më përmendur me emër, por duke më nënkuptuar qartësisht mua dhe Universitetin Europian të Tiranës ka thënë: “Edi Rama ka krijuar mafien e tij. E dini dhe ju se Shqipëria ka rreth 50 universitete publike dhe private. Asnjë universitet publik, asnjë përveç njërit privat, nuk merr përsipër të shkelë rregullin e depolitizimit, po është një universitet i cili është bërë si Instituti i Studimeve Marksiste të Nexhmije Hoxhës. Ky është universiteti “Kristaq Rama”! Tani unë dua t’i them Rektor-Presidentit të tij: Zotëri, liritë për të cilat keni luftuar të njohin të anëtarësohesh në Partinë Socialiste, të bëhesh nënkryetar i saj, të marrësh çdo funksion dhe kjo është liria jote. Por të shndërrosh universitetin në kundërshtim me ligjet në strofull të organeve të krimit shtetëror do të ketë pasoja të rënda dhe i paralajmëroj, iu bëj thirrje studentëve t’i tregojnë vendin këtij sharlatani, t’u tregojnë vendin atyre që për xhepat, për korrupsionin kërcënojnë diplomat tuaja, për t’u bërë të pavlefshme në aktin e parë të fitores së demokracisë”.

Sigurisht u surprizova për keq dhe një ndjesi e pakëndshme m’u krijua për të paktën tre arsye:

Së pari, sepse dihet se që prej vitit 2001 kam qenë një mbështetës publik i Partisë Demokratike dhe Sali Berishës, një avokat publik bashkë me liberalët e djathtë dikur dhe më tej profesionalisht apo si linjë editoriale e gazetës Mapo, i nevojës së kthimit të Berishës në pushtet, i fuqisë dhe bilancit të tij reformues për vendin,  si dhe në 2013 për nevojën e një mandati të tretë, historik dhe të fundit të tij. Gjithë aq kam komplimentuar mbylljen e karrierës së tij politike në vitin 2013, përmes organizimit të zgjedhjeve të lira dhe të ndershme me titullin e famshëm: “Erdhi dhe iku si demokrat”.

Së dyti sepse kam ndarë me ju në biseda personale ide dhe vizione shumë të avancuara,  avangardë për kohën dhe mentalitetin shqiptar lidhur me reformimin e arsimit të lartë, sipas konceptit liberal, të Milton Friedman mbi rolin e shtetit në arsimin e lartë; e famshmja “Paraja ndjek studentin”, por që për rrethanat e qeverisjes së tij në mandatin e dytë nuk u realizuan dot. Si i tillë në vitin 2013 e kam votuar publikisht dhe kam kërkuar mbështetje publikisht për Sali Berishën.

Së treti,  të njëjtën gjë do bëja përsëri, nëse Sali Berisha do të ishte kryetar i opozitës; do të votoja përsëri Sali Berishën, nëse do të rikthehej kundrejt Edi Ramës. Kjo koherencë bashkë me koherencën e ideve liberale të cilat militoj në jetën publike prej gati dy dekadash dhe të cilat nuk i kam ndryshuar asnjëherë për asnjë subjekt, për asnjë temë, për asnjë arsye edhe kur koniunkturën e kam pasur kundër meje.

Kjo nuk më pengon fare të jem realist dhe dinamik për situatën aktuale politike dhe alternativave për qeverisjen e vendit. Ndryshe nga tezat populiste me të cilat kryeministri Rama erdhi në pushtet, dhe për fatin e mirë të Shqipërisë, ai adaptoi disa qasje liberalizuese brenda frymës së majtë, por gjithsesi të rrugës së tretë apo të filozofisë së Xhon Rolls (John Rawls). Këtë kurs reformues në shumicën dërrmuese dhe reformat kryesore të vendit, përjashto taksën progresive, shëndetësinë falës dhe frymën etatiste të administratës qendrore, e kam mbështetur, përshëndetur, përfshi këtu edhe reformën universitare “Rama”. Kjo më bën të jem krejt i hapur dhe të mendoj se cikli reformues i Ramës duhet të vazhdojë edhe një mandat tjetër. E gjitha kjo në kontekstin e një lideri të ri të opozitës, Lulzim Basha dhe të Partisë Demokratike në përgjithësi, e cila fatkeqësisht është infektuar rrugës nga populizma gjithfarësoj, nga punizma gjithfarësoj, ekologjizma gjithfarësoj, krejtësisht jashtë frymës së qendrës së djathtë dhe të partisë së tregut të lirë dhe lirive dhe të drejtave të njeriut që ju themeluat me studentët dhe dhjetoristët dhe intelektualët e tjerë të dhjetorit, me Gramoz Pashko e të tjerë.

E mirëkuptoj populizimin e ditës, por kjo nuk do të thotë se intelektualisht nuk jam i lirë apo mund të kërcënohem nga dikush për ruajtjen e koherencës së ideve të mia. Veçanërisht e turpshme më është dukur që Partia Demokratike dhe lideri i saj aktual Lulzim Basha ka braktisur idetë tuaja për reformën në arsimin e lartë, duke u ndikuar nga “oligarkia” puniste dhe regresive e universiteteve shtetërore, e përfaqësuar në mënyrën më të plotë nga ulërimat në Facebook të profesor doktor Artan Fugës: “Arsim publik falas”.

Çfarë më sugjeroni doktor të mbështes kryetarin e opozitës që kërkon të na kthejë pas te iluzioni dhe ideja regresive e arsimit të lartë falas? Nuk janë këto idetë e mia, ashtu siç nuk kanë qenë idetë tuaja. Kaq për sa iu përket ideve dhe debatit publik në të cilat jam përfshirë me të drejtën time të ligjshme si grup interesi apo si botues i gazetës Mapo.

Sa për UET doktor, ju e dini mjaft mirë sepse jeni njeri me shumë informacion, që ai është një universitet cilësor, i certifikuar edhe me akreditimet ndërkombëtare përkatëse dhe standardet ligjore përkatëse. Sa për UET ju e dini mjaft mirë doktor se UET është një institucion i hapur, ndaj të gjitha ideve, rrymave, përmbajtjeve, alternativave siç i takon të jetë një universitet dhe kështu ka qenë që nga dita e parë edhe kur ju ishit në pushtet.

Parimi ynë ka qenë i qartë dhe i shpallur botërisht: Ne jemi neutralë, por jo sterilë. Që do të thotë se jemi universalisht të hapur siç i takon statusit të universitetit në shoqëri.

Ju e dini mjaft mirë doktor se Universiteti Europian i Tiranës është i papolitizuar, megjithatë askujt nuk i mohohet jashtë auditorëve angazhimi publik për kauza të ndryshme publike apo politike, nga ato ambientaliste, tek ato për zgjedhje të lira dhe ato politike. Askush nga pedagogët nuk ka asnjë pasojë për idetë apo veprimtaritë e tij të çfarëdollojshme përtej jetës akademike. Shumë prej pedagogëve tanë janë angazhuar në detyra të rëndësishme qeveritare në qeverisjen tuaj dje apo të socialistëve sot. Shumë prej tyre keni patur rastin t’i shihnit në krahun tuaj sot në mbështetje të opozitës. Ashtu siç the, kritikë të opozitës dhe mbështetës të qeverisë janë prezentë në media në gazeta apo rrjetet sociale. Ky është roli i universitetit në shoqëri, përkundrejt Universitetit Shtetëror, i cili në më të shumtën, me ndonjë përjashtim të rrallë, vegjeton, abuzon me fondet publike, shet provime e diploma dhe mungon si peshë dhe cilësi në debatin për mbrojtjen e interesit publik.

Si përfundim i nderuar doktor shpresoj që keqkuptime apo keqinterpretime apo momente të tensionit të lartë politik nuk do të dëshiroja asnjëherë të gjenin vend te profili juaj i lartë prej ish-kryeministri të vendit. Ashtu sikurse të gjitha këto nuk më bëjnë të pendohem për ato që kam thënë, bërë dhe ato që kam mbështetur te mendimi juaj politik deri dje.

18 komente në “Doktor kthehu, do të votoja ty para Ramës, por…”

  1. Faro says:

    Henri, e paska per ktenari ngjajshmerine me S. Berishen ne fushen e domracise dhe te liberalizmit.

    1. Edkari says:

      Dihet qe do e votosh por te siguroj se puplat tuaja do bien nje e nga nje.

  2. Drejtesia says:

    O bajge mir ta ben.Erdhi dhe iku si KRIMINEL thuaj o frikacak o bajge.

  3. Qytetar says:

    A servil a servil.Na dashke te miren te na kthesh prap ne pushtet ata qe kane lyer duart e tyre te ndyra me gjakun e shqiptareve te pa fajshem.Po crendesi kane idete e atyre e te tuat mor i poshter para gjemave qe kane bere ata kriminela.A e di ti o gjak prishur qe ne kete vend jane zhdukur njerez pa gjyq me keq se ne diktature nga falangat e SHIKUT e jane vjedhur zgjedhjet diten per diell etj etj? Te me dilje ndonje dite perpara do te te peshtyja ne surrat.DHe na thua pastaj qe te na kthehet doktorri prap qe ti beje prap ato gjema.Yyyyyyyyy gjak prishur.

  4. Faro says:

    Cili krenohet qe ngjason me Saliun, si demokrat dhe liberal.
    Thirrje:
    Turruni Shqiptar ku jeni, dhe rregjistroni niper e mbesa, djem e vajza tek universiteti i Cilit, qe t’ju dalin me siguri te formuar e edukuar si Saliu e Cili, vecanerisht ne fushen e demokracise e te liberalizmit
    Lum Shqiperia per brezat qe do ti vijne!

  5. Kanti says:

    Servilizem akademik, fshataresk.

  6. Ivan i madh says:

    He qen Heri e ndjen friken qe Berisha te zhduk sic ka bere me te gjithe ata kelyshe qe e kundershtojne si Hajdari, Pashoja, Gazidedia, Arberori e deri tek Olldashi. Prandaj e dreth more shemtire e medies e kermill jargavitesh halesh. Kete e di se ke qene prane ti dhe i rugesh se Rama ste ben gje. Berisha eshte si ato buca e egera qe ha kelyshet e saj. Pra si pederast qe je drejtohe sumen andej nga miku eshte me i madh dhe i plote.

  7. Endri says:

    Shkrim terhiq e mos e kput. Pak me shum servilizem seç e lejon koha.
    Ti mbeshtet ate qe ke interes personal jo interesin public. Neser te rrezohohet Rama ti je me Gjergj Bojaxhiun.

  8. Emiljano says:

    Bla,bla,bla nuk je gje tjeter vec nje prostitut rruge.asnji ndryshim ske te dy palloheni per leke.

  9. Peco says:

    Sa i sinqert! Te mahnit me gjykimet qe jep. Duket sikur thot: hajde ne pushtet dhe ke per te pare po nuk u bera me ty. Une kam nje bisnes dhe me duhet perktahja qeveritare, e kam po aq nevoje sa oksigjeni kete perkrahje. “Liberal i vertete”. Kesaj i thone, qe pafytyrsine dhe konformizmin e peshtire ta shesesh per liberalizem. Ky besoj duhet te jete modeli i fshatarit qe per here te pare ka rene ne kontakt me konceptet filozofike dhe eshte aq i mahnitur nga ky kontak, sa nuk u jep me te voglen kohe ideve te hedhin rrenje ne shpirtin e tij te zbrazur dhe fare bosh.

  10. buj says:

    KREJT NORMALE ESHT PER TY O QEN! E DIME..

  11. Spartaku says:

    Zoti Henri Cili! Mos i mere seriozisht ato qe thote Berisha,se,ai eshte bere per ne psiqiatri,duhet kuruar se eshte i semur rende nga mendja.

  12. Strong says:

    Cfar pisanjosi ky tipi i Mapo-s!

  13. Dajti USA says:

    Shikoni Cilen,erdhi si demokrat dhe iku si demokrat,thote pushti per Saliun,jo or soj servili,erdhi si komunist dhe iku si kriminel,kjo eshte e verteta.

  14. arben says:

    Edhe ti pjejje e Sali shpellarit paske qene.Ne fillimet e demokracise ishte e kuotueshme qe shumica e popullit shqiptar te etur per liri e demokraci te radhitej ne krah te PD dhe liderit te saj si forca e pare opozitare qe doli kunder shtetit diktatorial.Por per fat te keq kjo force politike dhe lideri I saj jo vetem nuk u bene flamurtare te idealeve te shqiptareve per te ndertuar nje shtet demokratik ku te sundonte ligji dhe e drejta por u shnderuan ne forca me regresive dhe shkateruese e perparimit te shqiperise.Ish I vetshpalluri lider I vendosjes se demokracise vertetoj me se miri qe nuk ishte gje tjeter vecse pjella me monstruoze e sistemit te kaluar qe do ta kishin zili dhe ish diktatoret komuniste.Akoma edhe sot pas 27 vitesh vazhdon te mbjelle vetem vrer e percarje nder shqiptaret e te kerkosh te rikthehet si lider I demokracise kjo tregon se ose je I mare dhe nuk kupton asgje ose me e keqja te ka hedhur lakun ne fyt duke te blere nga koka deri ne kembet duke te vene ne sherbim te tij me dashje apo pa dashje.Besoj te jete kjo e dyta pasi Saliu kete mjet di ta perdore me mjeshteri .Shprehja e famshme se gelltit nje luge corbe te prishur e oastaj vjell tere jeten te shkoka per shtat o I mjeri Henri Cili.

  15. Fara e flliqte e katundarit says:

    Katunaret, njehere i mbajne njeri tjetrit ere poshte bishtit dhe pastaj kafshohen pas qafe. Çil o fare e keqe, nuk na plas per fermentimin e nevojtores tuaj, ti ke dale nga e njejta shpelle si Salehu, fare e ndyte katundari ti fare e ndyte katunaro shpellari ai. Vetem Spaçi dhe puna ne kooperative jane tempujt ku rregullohen llogarite me sojin tuaj.

  16. drini says:

    Vetem nje fjale e pershkruan cilin i PSHTIRE

  17. Star says:

    Morracak! Po ku e pave qe doktori eshte larguar. Ai eshte aty tesh me shume 25vjet. Eshte per merite te sojit tend,prej miut te gjirizeve qe per interesa personale beni te gjitha prapesite.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje