Lulzim Bashës i është kërkuar nga Merkel të hyjë në zgjedhje, pa justifikime

7 Prill 2017, 09:47Politika TEMA

Prej më shumë se 47 ditësh opozita kërkon kushte për të hyrë në zgjedhje duke paraqitur si të vetmen garanci qeverinë teknike, ose qeverinë e besimit siç e quajti Ilir Meta.

Në këtë kauzë Lulzim Basha deri më tani ka gjetur vetëm mbështetjen e LSI-së dhe aleatëve të PD-së, ndërkohë që faktori ndërkombëtar ka qenë thuajse në unison për rikthim në parlament dhe hyrjen në zgjedhje të opozitës.

Bashës kjo i është thënë edhe nominalisht edhe personalisht nga partnerët ku peshën kryesore e mbajnë Shtetet e Bashkuara dhe Gjermania.

Burime pranë Partisë Demokratike thanë për Respublica se letra e nënkryetarit të CDU-CSU, grupimit të Partisë së kancelares Merkel në Parlamentin gjerman ishte një konformim i asaj që vetë Merkel i ka kërkuar Lulzim Bashës.

Të futet në zgjedhje përkundrejt gatishmërisë nga pala gjermane për të dërguar 5 deputetë të CDU-CSU-së për ekspertizë të specializuar në çështjet të reformimit të Kodit Zgjedhor.

Të njëjtat burime thanë për Respublica se dalja në publik e letrës së nënkryetarit të CDU-CSU-së alarmoi kreun e PD-së që hetoi për ndonjë rrjedhja nga stafi i tij, por siç u konfirmua letra doli nga Ambasada gjermane në Tiranë.

Pra Lulzim Bashës i është kërkuar nga kancelarja Merkel të hyjë në zgjedhje dhe i është dhënë garanci për këtë, ashtu siç në fakt thuhet edhe në letër se Gjermania mbështet shqetësimin për zgjedhje të lira e të ndershme, por i kërkon opozitës të jetë pjesë e procesit.

Përveç këtyre garancive, opozita i ka të gjitha mekanizmat për të mbrojtur votën pasi ka 50% të komisioneve të numërimit në Komisionet Zonale.

Ndërsa së fundmi kryeministri propozoi në parlament që opozita të ketë edhe Komisionit Qëndror të Zgjedhjeve.

4 komente në “Lulzim Bashës i është kërkuar nga Merkel të hyjë në zgjedhje, pa justifikime”

  1. Lumi says:

    Mos e kruani t’i jepni komisionin qendror se ai (Berisha )eshte i afte t’i thote te zezes = “e bardhe.”
    Ka dhene prova per kete; i harruat zgjedhjet e bashkise qe s’la me kazan plehrashe se nxori fitues Bashen?
    Apo s’po vuani tani qe i dhate 50% ne komisione dhe ja ku jeni te bllokuar

    1. Xen deledashi says:

      100% e saktë !

  2. Tema says:

    Basha eshte si papagalli., thote ç’ti thone.

  3. Koklope dhe shtangist says:

    Me unision? milet, unizion? albanistani…shqipot sdine shqip pot flasin gjuhen e armikut me mire.
    Vetem njehsimi I shqipes dhe fese do jape shprese ndryshimit, se ndryshe do kemi vetem shpellare servo-turk

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje