VIDEO/ Meta “provokon” socialistët me Ben Blushin, ata lënë të gjithë sallën e Kuvendit…

Pas zgjedhjes së tre kandidatëve për komisionet e vetingut, Ilir Meta ia ka dhënë fjalën deputetit Ben Blushi.

Por ky gjest nuk është pritur mirë nga ana e deputetëve socialist.

Meta ka thënë se nuk kishte çfarë bënte, pasi ai kishte kërkuar fjalën.

Megjithatë, sapo Blushi është nisur drejt foltores së Kuvendit, gjithë deputetët socialist, përfshi edhe kryeministrin Rama dhe ministrat, kanë lënë sallën e Kuvendit.

Blushi i kërkoi deputetëve të PS-së të bindin Ramën për të dhënë dorëheqjen. Ky akt sipas Blushit do të zhbllokonte edhe vettingun edhe mbajtjen e zgjedhjeve.

“Iku ky deliri Kryeministri i Shqipërisë. Jeni në krizë, drejtësia e bllokuar zgjedhjet e bllokuara. Sot duhet të kishte ardhur për të dhënë dorëheqje. Bindeni të ikë edhe 70 ditë se zhbllokohet vettingu. Bindeni të japë dorëheqjen nuk ka rrugë tjetër. Kam tre ditë që e kërkoj”, tha Blushi.

Më tej gjatë fjalës së tij Blushi i kërkoi Vasilika Hysit, e sapovotuar si anëtare e komisionit “ad hoc” të vettingut, që të jepte dorëheqjen, pasi ajo është njëkohësisht edhe anëtare e Kryesisë së PS-së.

“Kam respekt për atë zonjë. Vasilika me ty e kam. Kam respekt për ty, je në Komisionin e Vettingut dhe në kryesinë e PS. Ti Vasilika je në kryesinë e PS dhe voton dhe për kryebashkiakun Rroshi dhe Dakon”,  deklaroi Blushi.


e8271594-a7c4-4854-82a0-0a6a77e4df10 by e-d21

REMOTE_ADDR:[]
                 Loading...