Akuzoi se platforma kërcënon Maqedoninë, partitë shqiptare sulmojnë Ivanov...

16 Prill 2017, 18:17Rajoni TEMA

Deklarata e Presidentit maqedonas Ivanov për të përditshmen austriake “VinerCajtung” ku tha se platforma shqiptare është një kërcënim për sigurinë dhe stabilitetin në Maqedoni, ka sjellë reagimin e partive shqiptare.

Sipas tyre deklarata e Ivanovit është nxitëse dhe nuk kontribuon në marrëdhëniet ndëretnike.

Deklarata e Ivanovit për telefonatën e supozuar, sipas zëdhënësit të BDI-së Bujar Osmani, është shpifje e presidentit i cili është në mbrojtje të partisë së Gruevskit.

“Fillimisht i hedhim poshtë këto pretendime, këto janë shpifje. Asnjë faktor nga jashtë nuk ka ndikuar në vendimin e BDI-së, ky vendim ka qenë konsensual dhe i brendshëm i BDI-së, në momentin kur kemi konstatuar se koalicionimi me VMRO-në nuk i plotëson pritshmërinë tonë për një koalicion në këtë konstalacion. Ashtu që edhe njëherë do t’i hedh poshtë këto shpifje që përdoren në luftën ditore politike edhe nga Ivanovi. Ne mendojmë se partitë politike duhet të reflektojnë, të mbahen në marrëveshjen e nënshkruar në Shkup, të a.q. të Përzhinos, të respektohet dhe të dalim nga kriza sa më shpejt në interes të qytetarëve” – deklaroi Bujar Osmani i BDI, raporton Alsat M.

Edhe nga Lëvizja Besa intervistën e Ivanovit për të përditshmen austriake “VinerCajtung” e vlerësuan si nxitëse që nuk reflekton pozitivisht në marrëdhëniet mes shqiptarëve dhe maqedonasve. Ndërsa për telefonatën e supozuar, Ibrahimi tha se nuk është për tu habitur nëse ndodh edhe një telefonatë tjetër e cila do të vazhdonte qeverisjen mes BDI-së dhe VMRO DPMNE-së.

“Për fat të keq Ivanovi nuk e luan rolin e tij si kryetar i të gjithë qytetarëve të Maqedonisë, por akoma e luan rolin si një militant i VMRO – DPMNE-së. Një moment i rëndësishëm ishte edhe deklarimi i tij për prishjen e koalicionit VMRO – BDI. Ai e shprehu një të vërtetë të gjithë ne e kemi ditur por askush nuk e ka shprehur në mënyrë eksplicite. Ai tha se ata veç ishin marrë vesh për të bashkëpunuar për një qeveri të ardhshme, dhe se ka ndodhur një telefonatë që ka prishur këtë bashkëpunim. Kjo me fjalor tjetër i bie të themi se ata akoma e vazhdojnë lidhjen e tyre dashurore dhe mund të presim një telefonatë tjetër e cila mund ti bashkojë ata përsëri” – deklaroi Zeqirija Ibrahimi nga Lëvizja Besa.

Ndërsa Aleanca për shqiptarët vendosën mos të komentojnë paraqitjen e fundit të kreut të shtetit Ivanov. Sipas Aleancës deklaratat e Ivanovit nuk janë kredibile dhe në çdo paraqitje të tij ai më tepër përkeqëson situatën politike në Maqedoni.

“Deklaratat e Presidentit nuk janë kredibile dhe nuk shkojnë në favor të zgjidhjes së krizës politike…Fatkeqësisht, çdo paraqitje e tij është në shërbim të përkeqësimit të situatës” –thonë nga Aleanca për Shqiptarët.

Ivanovi nuk e përjashtoi as mundësinë e arrestimit të liderit opozitar lidhur me sigurimin e bisedave të përgjuara telefonike ndërsa kritikoi edhe qëndrimin e bashkësisë ndërkombëtare për mos-dënimin e deklaratës së partive politike shqiptare.

2 komente në “Akuzoi se platforma kërcënon Maqedoninë, partitë shqiptare sulmojnë Ivanov…”

  1. krysho ludovik says:

    aha su eci me keta shulet me mavrinj
    e paskan jo me 2 po me 4 gunga ne fund keta
    qenkan 2 here me keq se serbet
    lutjuni ivankes edhe abu ivankes tju ruajne
    se se keni mire punen

    1. albaniafirst says:

      krysho ludovik, mus I qaj hallin kaloresit se I varen kembet. Ne s’kemi pyetur per burra me te mire ne keta 5-6000 vjetet e fundit qe bejme hije ne ate cep te Ballkanit, dhe jo me ta rruajme per shulet bullgaro evgjite te FYROM-it.
      Populli I mencur shqiptar thote se perendia, para se te te marre jeten, te merr mendte. Keshty po ndodhe dhe me shulet

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje