Erdogan “Sulltani i ri” , 51.3% e turqve i japin pushtet absolut: Do rikthej dënimin me vdekje…!

Presidenti turk, Recep Tayyip Erdogan ka fituar referendumin për ndryshimet kushtetuese, duke siguruar kështu pushtetin absolut.

Nga numërimi i 99% të votave të 55 milionë turqve që u ftuan t’i drejtoheshin kutive të votimit, 51.3% e tyre i janë përgjigjur me “Po” referendumit për pushtet të pakufizuar për presidentin turk.

Kundër votuan 48.7% e votuesve, por edhe pse rezultati është i ngushtë, shifrat i mjaftojnë Erdoganit për të fituar referendumin dhe për rrjedhojë blinduar pushtetin e tij.

Erdogan shpall fitoren përpara mediave Presidenti turk shpalli fitoren e referendumit gjatë një konference për shtyp përpara mediave, duke deklaruar se vota e qytetarëve bëri që Turqia të marrë në dorë të ardhmen e saj.

“Ju shpreh mirënjohjen time për këtë votim të drejtë. Jam i kënaqur nga votimi pro ndryshimeve kushtetuese. Ndryshimet kushtetuese do të jenë në favor të vendit tonë dhe ato do të zbatohen gradualisht”, u shpreh Erdogan.

Erdogan nuk humbet kohë, propozon kthimin e dënimit me vdekje

Presidenti turk Rexhep Tajip Erdogan duket se nuk ka dëshirë të humbasë kohë.

Menjëherë pas shpalljes së fitores, edhe pse pa dalë rezultatet zyrtare të referendumit, por që në numerimin e 99% te votave ai ka fituar ngushte, Erdogan thotë se tani do të diskutojë çështjen e rivendosjes së dënimit me vdekje.

Ai tha se kete do te nise ta diskutoje me kryeministrin dhe liderin e një partie nacionaliste opozitare, shkruan “The Guardian”.

Presidenti tha se ai do ta konsideronte edhe thirrjen e një referendumi mbi këtë çështje nëse është e nevojshme.

 

REMOTE_ADDR:[]
                 Loading...