Partizani ndalet nga Vllaznia, kryeson sërish me pikë të barabarta me Kukësin

Share on FacebookShare on Google+Tweet about this on TwitterShare on LinkedInShare on Whatsapp

Është mbyllur në barazim sfida e fundit e javës së 29-të të Kategorisë Superiore mes Partizanit dhe Vllaznisë.

Sfida e zhvilluar në “Loro Borici” u mbyll me rezultatin e barabartë 1-1, me të dyja ekipet që ndajnë nga një pikë.

Një hap fals ky barazim për Partizanin që tashmë nuk kryeson më i vetëm kampionatin, por me pikë të barabarta me skuadrën e Kukësit.

90-minutat e zhvilluara në Shkodër ishin mjaft emocionuese dhe spektakolare ku që të dyja skuadrat zhvilluan një sfidë mjaft të luftuar duke e kërkuar fitoren.

Dy golat e ndeshjes u shënuan në pjesën e dytë, ku të parët që kaluan në avantazh ishin shkodranët me anë të Hebajt që shënoi në minutën e 76-të.

Por, gëzimi i vendasve nuk do të zgjaste shumë pasi pas katër minutash, Ekuban barazpeshon rezultatin duke realizuar një gol spektakolar nga distanca.

Në minutat e mbetura Partizani u hodh në sulm për të gjetur golin e fitores, por pa rezultat duke e mbyllur ndeshjen në barazim.

Tashmë të kuqtë kryesojnë me pikë të barabarta me skuadrën e Kukësit me 59-pikë, ndërsa Vllaznia renditet në vendin e katërt me 37-pikë./f.b

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *