Plani rezervë i Bashës: Bashkimi me ekstremistët e djathtë të Europës, nëse PD përjashtohet nga PPE?

Gjithçka merr një tjetër kuptim dhe fuqi politike nëse Marie Le Pen bëhet presidente e Francës të dielën e ardhshme, akt ky që i jep Europës politike një tërmet euroskeptik dhe një shtytje partive ekstremisto-populiste.

Delegacioni i posaçëm i një emisari të Angela Merkelit në Tiranë, por edhe zyrtar i lartë i partisë Popullore Europiane pritet të shënojë një marrëdhënie fatale mes PD-së dhe PPE-së.

Nëse do të vazhdojë kjo marrëdhënie e tendosur, atëherë plani që i është rezervuar VRMO-së së Nikolla Gruevskit mund t’i ndodhë edhe PD-së; pra një ngrirje e marrëdhënieve në kuadrin e Partisë Popullore Europiane.

Nuk ishte rastësi vendosja protokollare në Kongresin e Maltës në karrike ngjitur, e Lulzim Bashës dhe Nikolla Gruevskit.

Burime brenda opozitës shqiptare bëjnë të ditur se kjo mundësi jo vetëm është sinjalizuar, por është paralajmëruar në mënyrë të hapur nga Majlinda Bregu, e cila duke pasur mundësitë e kontakteve permanente në Bruksel si kryetare e Komisionit të Integrimit, ka sjellë jo vetëm sinjalet, por edhe mesazhet që vinin nga krerët e partive aleate.

Dhe Basha ka menduar një plan rezervë, plan që nuk duket se është rastësi dhe që shfaqet si një rrjedhojë logjike e gjithë atij diskursi politik të opozitës shqiptare që ka sfiduar hapur dhe pa asnjë vetërpërmbajtje të gjitha thirrjet dhe mesazhet e instancave më të larta diplomatike të aksit euroatlantik, përfshirë dhe vetë Merkelin e superpushtetshëm.

Në këtë diskurs, siç është vënë re, një model jo-institucionalo dhe europeist; por një retorikë e thatë, të egërt dhe denoncuese që ngjan shumë me mënyrën sesi forcat e djathta larg qendrës, por edhe ato të majta si Tsiprasi në Greqi po tentojnë suksesshëm të bëjnë politike fituese në vendet e tyre.

Siç mësohet, Basha ka bërë gati kërkesën për t’u aderuar në Unionin e Partive të Djathta që përbëhet nga Le Pen e Francës, UKIP-i britanik që drejtoi suksesshëm fushatën Brexit, partia e Lirisë e Geert Wildersit në Holandë dhe ajo e Bepe Grillos në Itali.

Një media pranë mazhorancës, dy muaj më parë publikoi një lajm sipas të cilit Fatos Lubonja, analisti i njohur ka siguruar kontakte në Itali mes partisë “Pesë Yje”-ve të Beppe Grillos me PD-në e Lulzim Bashës.

Po kjo media theksonte se dhe kontaktet e Lulzim Bashës me partinë Geert Wildersit në Holandë datojnë që prej vitit 2014, kur në Parlamentin holandez dolën disa dokumente që pak kohë më parë Sali Berisha i përdori si akuza ndaj Edi Ramës.

Duke ditur relacionet me Holandën, vend ku Basha është shtetas, media pranë mazhorancës theksonte se kontaktet e kreut të PD-së me eksponentë të partisë së djathtë holandeze janë shpeshtuar.

Por në rastin e sotëm, kjo tezë po merr gjithnjë e më shumë peshë më relevante.

Wilder në Holandë drejton një parti të eksstremit të djathtë ku diskursin e saj politik e ka përqëndruar tek retorika anti-muslimane, ku jo si rastësisht edhe rrotull Bashës eksponentë të tillë kanë marrë peshë specifike, ku veçohen dy sosh që janë gjithnjë të pranishëm në një presj studiove më të njohura të debatit politik.

Wilders, deri para pak muajsh ishte një rrezik potencial se mos fitonte zgjedhjet dhe mund të rritej vala anti-europeiste, sinjal që çoi edhe në heqjen e votimit elektonik në Holandë me frikën se mund të hakeronte Rusia, siç ndodhi në SHBA.

Partia e  Wilders-it doli parti e dytë, por deputetët e tij kanë qenë determinant në shtyrjen e vendimit të marrjes së statusit kandidat nga ana e Shqipërisë.

Deri para vitit 2013, Holanda ka qenë një vend shumë pro zhvillimeve demokratike në Shqipëri dhe integrimit të saj në BE, por pas 2012-s kur Wilders u rrit dhe në çdo zgjedhje është rrezik për të fituar, e kanë bërë Holandën një faktor më shumë eurospektik.

Dhe  po ta shohësh me vëmendje, si gjuhë dhe filozofi, PD prej kohësh nuk është një parti e qendrës së djathtë, por një grupim miks ku brenda saj ka ish-socialistë idhnakë, anarkistë dhe ekstremistë të djathtë që bashkohen së bashku me gjuhën e ashpër, urrejtjen dhe dhunën verbale për të arritur tek pushteti.

Kohët e fundit sidomos në Europë këto grupime po hasin rezistencë dhe nuk kanë arritur të dalin në krye.

Ëildersi përfundimisht humbi zgjedhjet parlamentare dhe vazhdoi të dalë parti e dytë. Grillo i “Pesë Yje”-ve ende ka zgjedhjet përpara dhe pas Trump-it në SHBA po mbahet dhe fryhet për të qenë shpërthimi i fortë i grupimeve ekstremo-majtiste-djathtiste, kryesisht pas fitores së Tsipras-it, i cili jo rastësisht koalicionin e ka bërë me një parti të ekstremit të djathtë si ajo e ministrit të Mbrojtjes, Panos.

Të dielën e ardhshme është prova më e rëndësishme në gjithë këtë spektër, zgjedhjet presidenciale franceze ku mbarë bota mban frymën se mos fiton ekstremistja Marie Le Pen, e cila para dy ditësh deklaroi se rusët janë populli më i madh dhe i rëndësishëm europian. (Tesheshi.com)

REMOTE_ADDR:[]
                 Loading...