Aktivitete në të gjithë Shqipërinë për monumentet: Mbro trashëgiminë, mbro të ardhmen

18 Prill 2017, 13:51Kulturë TEMA

18 prilli, është shpallur Dita Ndërkombëtare e Monumenteve të Kulturës dhe Siteve Arkeologjike nga organizatat e trashëgimisë botërore ICOMOS dhe UNESCO, që prej vitit 1982.

Ёshtë dita ku popujt dhe kombet në të gjithë botën e kthejnë vëmendjen nga trashëgimia e tyre kulturore, njihen me vlerat e saj dhe sensibilizohen për mbrojtjen dhe promovimin e këtyre vlerave.

Dita ndërkombëtare e monumenteve dhe vendbanimeve historike paraqet një mundësi për të gjithë Komitetet Kombëtare të ICOMOS-s që të mbrojnë qëllimet e tyre të përbashkëta në të njëjtën ditë.

Ministria e Kulturës në bashkëpunim me DRKK në të gjithë vendin organizon aktivitete sensibilizuese në Durrës, Shkodër, Berat, Gjirokastër, Korçë, Elbasan, etj.

Më 18 Prill 2017 do të organizohen aktivitete në të gjithë vendin, në një bashkëpunim të MK, IMK dhe DRKK duke patur si qëllim sensibilizimin, ndërgjegjësimin dhe edukimin e popullsisë me dashurinë për trashëgiminë kulturore, me kujdesin e përditshëm për monumentin dhe vlerën kulturore!

Kjo do të thotë aktivitet dhe punë e përditshme me shkollat, me banorët, me të rinjtë, me autoritetet lokale. Ata duhet të jenë pjesë e aksioneve kulturore, duhet t’i jetojnë monumentet si hapësirë ku jetojnë dhe jo si dekor i pandjeshëm.

Të gjitha nismat, siç është ajo e MK për krijimin e rrjetit “Miqve të Monumentit”, dhe nismat që i shërbejnë këtij edukimi do të vazhdojnë të kenë mbështetjen parësore të Ministrisë së Kulturës, si pjesë e programit të qeverisë “Edukimi përmes Kulturës”.

Sot, në të gjthë vendin të  gjitha monumentet do të jenë të hapura dhe falas për publikun

Më poshtë disa nga aktivitetet që zhvillohen sot në gjithë Shqipërinë me qëllim mbrojtjen e Monumenteve të Kulturës

Përkujtim i Viktori Puzanovës me rastin e 50 vjetorit të vdekjes  

Sesion shkencor në Muzeun e Artit Mesjetar Korçë.  Kumtesa  mbi jetën dhe veprën e Viktori Puzanovës. nga studiues dhe njohës të figurës së Puzanovës , Maks Velo, Suzana Varvarica, Edlira Çaushi , Lorenc Glozheni,  etj

Realizimi i një ekspozite,  organizuar nga stafi i muzeut me veprat/riprodhime të Puzanovës, pjesë e fondit të Muzeut Kombëtar të Artit Mesjetar Korçë.

Ekspozita “Muzeu shëtitës”

Kjo ekspozitë  do të ketë në fokus prezantimin nëpërmjet imazheve të 26 paneleve nga pavijonet dhe objektet e Muzeut Etnografik Berat. Nxënësit vullnetarë do të bëhen pjesë e shpërndarjes së informacionit nëpërmjet flayerave për Muzeun Etnografik.

Ekspozita“Pazaret Mesjetare të Beratit” me foto të vjetra

Ekspozite e hapur fotografike me site arkeologjike dhe peisazh natyror nga Lezha Shkodra dhe lugina e Drinit

Demostrim i etnografise(veshje) se ketyre zonave, si dhe prezantim me video projeksion rezultateve te germimeve arkeologjike ne Lezhe, Shkoder, Koman.

Ekskursion në Parkun Arkeologjik “Finiq”

Nxënësit janë njohur me monumentet kryesore të parkut Arkeologjik “Finiq” dhe me zbatimin e projektit “Milestone”

“18 Prilli”, Dita Ndërkombëtare e Monumenteve dhe Siteve Arkeologjikë-Parku Arkeologjik Amantia, Vlorë

Nxënësit pjesëmarrës do të çelin një panair kulinarie dhe një ekspo me foto dhe punime për monumentet dhe sitet. Në bashkëpunim me “Miku i Monumentit” do të kryhet pastrimi dhe mirëmbajtja e P. A. Amantia.

Vizita në monumenti “Xhamia e Gjin Aleksit” Rusan Delvinë

Nxënës të shkollës së mesme  “Sulejman Delvina” & Mësusesit e kësaj shkolle & Specialistë te Sektorit Sarandë. Do të njihen me Monumentin “Xhamia e Gjin Aleksit” Rusan ku do të ndjekin nga afër Rikonstruksionin e Xhamisë

Mozaik kulturor i gdhendur ne leter

Si e shikoj unë Gjirokastrën e gurit nëpërmjet penës dhe ngjyrave .Te rinj te cilët mëshirojnë me punën e tyre atë qe është pak ti thuash e bukur…Skicat dhe pikturat e tyre dhurate për shtëpitë dhe muzetë e qytetit

Kur historia te jep produktin ne t’i japim frymen, Shtëpia Topullarajve

Shtëpia e Topullarajve ku historia ka folur me kohen ,trimërinë penën ,mendjen ne këtë dite ne përkujtojmë atë pjese te historisë shumë te rëndësishme për ne…

6 komente në “Aktivitete në të gjithë Shqipërinë për monumentet: Mbro trashëgiminë, mbro të ardhmen”

  1. zambi says:

    besoj qe vangjushi do jete promovues i kesaj fushate

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje