Në 27 Prill të vitit 1997, gazeta britanike “The Financial Times” do të raportonte shkarkimin nga Presidenti Berisha të Governatorit të Bankës së Shqipërisë Kristaq Luniku, si një goditje për kredibilitetin e zhvillimit ekonomik të vendit.
Britanikët e përshkruajnë governatorin si njeriun që ishte munduar të mbante bankën një institucion të pavarur nga Sali Berisha dhe që e kishte paralajmëruar Berishën për rreziqet nga skemat piramidale.
Në artikull citohet vetë Luniku, i cili e cilëson dekretin e shkarkimit një “pushtim të Bankës Qendrore” nga z.Berisha “i cili po minon pavarësinë e bankës së Shqipërisë”.
“Banka ishte i vetmi institucon i cili nuk ishte nën urdhërat e Berishës, por tani ai e do këtë institucion nën kontrollin e tij, sepse zgjedhjet po afrojnë”-deklaronte Luniku në 1997.
Ja artikulli, i publikuar edhe në të përditshmet shqiptare të asaj kohe:
Presidenti Sali Berisha nënshkroi një dekret për shkarkimin e Governatorit të përgjithshëm të Bankës së Shqipërisë, z.Kristaq Luniku, lëvizje e cila godet më tej kredibilitetin e përpjekjeve të vendit për të rindërtuar ekonominë e tij të shkatërruar. Z.Luniku tha se heqja e tij ishte e “paligjshme”. Ai e sulmoi këtë dekret si një “pushtim të Bankës Qendrore” nga z.Berisha “i cili po minon pavarësinë e bankës së Shqipërisë”.
“Banka ishte i vetmi institucon i cili nuk ishte nën urdhërat e Berishës, por tani ai e do këtë institucion nën kontrollin e tij, sepse zgjedhjet po afrojnë”, tha Luniku.
Shqipëria është duke kërkuar mbështetje financiare nga FMN, se ajo është duke luftuar me një anarki dhe shturrje nga kolapsi i një numri firmash piramidale mashtruese. Shkarkimi i Lunikut pritet të komplikojë bisedimet (me FMN).
Z.Luniku është zëvendësuar nga z.Qamil Tusha, zëvendësdrejtor i Bankës Kombëtare Tregtare. Banka e Shqipërisë nën drejtimin e Lunikut ishte shfaqur si një nga institucionet e pakta të pavarura në vend. Pozicioni i tij kishte ardhur duke u bërë më i ekspozuar dhe më i qartë muajt e fundit, ai (Luni-ku) e kishte paralajmëruar z.Berisha dhe qeverinë që në fund të 1995, për rritjen e rreziqeve nga zhvillimi i tregut financiar jo formal dhe nga shtimi i skemave mashtruese financiare.
Qeveria nuk ndërmori asnjë veprim lidhur me projektligjet e propozuara nga Banka Qendrore për fajdetë dhe larjen e parave, ndërsa autoritetet gjyqësore nuk bënë asgjë për të përforcuar legjislacionin bankar, i cili përfshinte rregullimet për të ndaluar cdo organizatë tjetër përvec bankave të licensuara për marrjen e depozitave./Lexo.al