Berisha: Më 20 shkurt, Ramën e çuan me autoblind në Zall Herr. Por tani nuk ka autoblind që të shpëton. Ky është paralajmërimi im i fundit, ndryshe do kesh fund fatal

Sali Berisha ka treguar sot nga çadra e PD-së, një histori që sipas tij ka ndodhur në 20 shkurt 1991, ditën kur në Tiranë u rrëzua busti i Enver Hoxhës.

Berisha tha se atë ditë me urdhër të Ramiz Alisë, familja e Edi Ramës është transportuar me autoblind nga shtëpia në një zonë të sigurtë në Zall Herr.

Në 20 shkurt 1991 është evakuar me autoblind të ushtrisë nga Ramizi dhe është dërguar në Zall Herr.

Tani as në Surrel nuk mund të rrish.

Të garantoj  që kjo çadër shumë shpejt do të të krehë ty nga kjo zyrë, do të të japë vendin që meriton.

Mos mendo se do të çojë Mimi autoblindat, se nuk do jetë as ajo aty ku është.

Këto ditë Edi Rama po shëtit nëpër Shqipëri si fantazma e Nastradinit me një moto për të zëvendësuar mashtrimet e vjetra me gënjeshtra të reja.

Në çdo takim u thotë qytetarëve ‘kemi bërë shumë, por më shumë do të bëjmë.

Kemi mashtruar shumë, por më shumë do të mashtrojmë’”, tha Berisha.

Berisha tha se “mosbindja civile do e flakë Ramën në kosh”.

“Kjo çadër do i japë Ramës vendin që meriton. Nuk do të mund të rrish më as në Surrel. Kjo është pranvera e vetmisë më të thellë të Ramës. Të rinjtë nuk duhet të mashtrohen nga Rama,” tha Berisha.

Berisha i bëri thirrje Ramës që të mos vazhdojë më me përgatitjet për zgjedhjet e 18 qershorit.

Ai tha se mjerë Rama, nëse tenton t’i përvetësojë votën shqiptarëve.

Mos guxo të bësh hapa drejt zgjedhjeve sepse do kesh fundin fatal që meriton.

 Të jesh i bindur që ata që ke përreth dhe nuk të lejojnë ty të japësh dorëheqjen, nuk kanë asnjë hall tjetër vetëm milionat që kanë vjedhur bashkë me ty.

Nuk kanë asnjë dashuri tjetër, përveçse mundësisë për të vjedhur më shumë.

Ata do tia mbathin, midis tyre edhe me rroba grash siç bëri Gramoz Ruçi në 1996.

Tani nuk është 1996, por revolucioni demokratik, i cili do tu krehë me rradhë.

Paralajmërimi së fundmi është ky, mos imagjino se do shkosh në zgjedhje duke u përvetësuar votën shqiptarëve.

Mjer ti po vazhdove në këtë rrugë”, tha Berisha.

REMOTE_ADDR:[]
                 Loading...