Marrëveshja bërthamore, “boom” shkëmbimesh tregtare Iran-BE

29 Prill 2017, 20:09Bota TEMA

Eksportet e Iranit drejt Bashkimit Europian janë rritur me mbi 300 për qind pas nisjes së zbatimit të marrëveshjes për programin bërthamor, të arritur në vitin 2015.

Të dhënat janë publikuar në orët e fundit nga komisioneri i BE për Energjinë, Miguel Arias Canete, në hëpje të takimit të Forumit të Parë të Biznesit Iran-BE mbi energjinë e qëndrueshme, që po mbahet në Teheran.

Canete ka thënë se edhe shkëmbimi tregtar mes Iranit dhe Unionit ka pësuar një rritje prej 79 për qind që nga nisja e zbatimit të marrëveshjes.

Ndërkohë, sipas të dhënave të publikuara nga Eurostat, në vitin 2016 eksportet iraniane drejt BE-së kanë qenë 5.4 miliardë euro, shumë më lartë krahasuar me 1.2 miliard të regjistruar në vitin 2015.

Bëhet fjalë për shifra tek të cilat ka pasur një ndikim të theksuar rifillimi i eksportit të naftës iraniane në Europë.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje