Ekskluzive/ Partizani-Kukësi do të luhet të shtunën

1 Maj 2017, 15:09Sociale TEMA

Nga Fatjon Baze

Supersfida e javës së 32-të të Kategorisë Superiore mes Partizanit dhe Kukësit do të zhvillohet ditën e shtunë në orën 19:00 në stadiumin “Selman Stermasi”.

Burime të sigurta nga klubi i Partizanit konfirmuan për “TemA” se ky takim do të luhet të shtunën dhe jo te premten.

Në media kanë qarkulluar lajme se sektori i garave në Federatën Shqiptare të Futbollit ka përcaktuar kalendarin e javës së 32-të të Kategorisë Superiore dhe duelin Partizani-Kukësi e kishin caktuar që të luhej ditën e premte në orën 19:00, duke refuzuar kerkesen e te kuqve.

Megjithatë, burimet për “TemA” konfirmuan se kjo ndeshje do të luhet më date 6-maj.

Partizani-Kukësi është supersfida e javës së 32-të të Kategorisë Superiore e cila pritet që të dhurojë mjaft emocione, kjo për faktin se përballen dy ekipet kryesuese të kampionatit.

Një sfidë e cila mund të vendosë dhe fituesin e titullit kampion.

Momentalisht, Kukësi mban vendin e parë me 65-pikë, po aq sa ka dhe Partizani por verilindorët kanë golavarazh më të mirë.

Ndërkohë, pas tyre vjen Skëndërbeu me tre pikë më pak.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje