Batutat e Ramës në shtëpinë e ish-të përndjekurit politik: Jam i ëmbël ndaj e pi pa sheqer kafen

Kryeministri Edi Rama i shoqëruar nga ministrja e Punës, Olta Xhaçka, ka vizituar shtëpinë e Lutfi Kelmendit, në Fushë Krujë i dënuar me 13 vjet heqje lirie në vitin 1984, kur ishte vetëm 25 vjeç.

Sot Kelmendi ka përfituar dëmshpërblimin e plotë nga shteti për vitet e vuajtjes në burgun e diktaturës. Rama tha se ky është një zotim i mbajtur për të gjithë të burgosurit politikë që janë ende gjallë. Ndërkohë, ministrja Xhaçka theksoi se në qershor do të ndahet edhe kësti i tetë për ish të dënuarit nga regjimi komunist.

Ai ka biseduar për afro gjysmë ore me familjarët , Rama nuk ka nguruar as të shkëmbehen batuta. Teksa zonja e shtëpisë e ka pyetur sesi e pi kafen. “Kafen e pi pa sheqer, se jam i ëmbël vete”.

Kelmendi: Një brez i joni humbi

Rama: E kanë humbur shumë gjëra

Kelmendi: Të paktën të rrojmë e të gëzojmë një ditë

Xhaçka: Ju vetë i keni marrë të 7 këstet?

Kelmendi: Po i kam marrë, kam martuar gocat, kam bërë dhe ca punë në shtëpi. Ai sistem mos ardhtë më, baba spiunonte djalin e djali babën, po të paktën të mos na dalin nëpër televizore ca nga ata.

Rama: Ata që kanë qenë më servilat u bënë sikur s’kanë qenë këtu, por në hënë.

Rama- djalit të shtëpisë: Avash, avash mos u marto shpejt ti (qesh)

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *