Edhe bar do të hamë…!

Share on FacebookShare on Google+Tweet about this on TwitterShare on LinkedInShare on Whatsapp

Nga Skënder Minxhozi

Kjo ka qenë një ndër ato frazat absurde të sistemit komunist, të cilat janë kthyer ndër vite në subjekte humori e barcasletash në të katër cepat e Shqipërisë. Ky përcaktim naiv dhe qesherak duket i rikthyer “në modë” këto orë, kur opozita shqiptare ka vendosur t’i thotë jo edhe amerikanëve, edhe gjermanëve, edhe europianëve, edhe të majtëve, edhe të djathtëve. Shkurt, gjithkujt që i ka rënë rruga dhe i ka qëlluar fati jo edhe aq i mbarë, për t’u marrë me krizën shqiptare.

Mbledhja e fundit kilometrike e grupit parlamentar të PD ka përfunduar në fjalë të varfëra, me ripërsëritjen e aksiomës tashmë të njohur të Lulzim Bashës për qeverinë teknike dhe ikjen e Edi Ramës para zgjedhjeve. Një përcaktim që pengon qysh në krye të herës çdo konsensus, çdo kompromis, çdo spirale për negociata dhe vendimmarrje kontruktive. Në fund të një mbledhjeje e cila u pa si një akti final drejt ndarjes së mendjes, demokratët kanë vendosur që të rikthehen edhe një herë në çadrën 72 ditore.

Lulzim Basha ka vendosur kësisoj qerren para kuajve, duke u ofruar këtej e tutje për kompromise me Edi Ramën, me vendimin e forumeve më të larta të partisë së tij për qeveri teknike, larg zgjidhjeve të ndërmjetme. Kjo do të thotë me fjalë të tjera, që çdo negociatë mes palëve tashmë quhet parimisht e kompromentuar, sepse njëra nga partitë në tryezë ka vendosur të shmangë me koshiencë dhe përkundër gjithë presionit të madh ndërkombëtar, të gjitha zgjidhjet që nuk përmbajnë brenda tyre qeverinë teknike para zgjedhjeve të 18 qershorit.

Nëse ka pasur dilema dhe hamendje rreth sinqertietit të Lulzim bashës për të hyrë në procesin elektoral të verës, ky moment sonte i përforcon akoma më shumë ato. Tashmë, kur e djathta europiane i ka thënë shkoqur opozitës në Shqipëri se “bojkoti është i papranueshëm për standartet e Bashkimit Europian”, duket qartë se brenda PD ka një korent të qartë kudërshtarësh të zgjedhjeve të përgjithshme. E kjo jo për shkak të vjedhjes së votave, aq sa si pasojë e parandjenjës së përgjithshme brenda opozitës së sotme, se rezultatet e zgjedhjeve të 18 qershorit do të jenë gjithsesi negative dhe do ta lenë në pakicë PD edhe për katër vjetët e ardhshme. Pa folur për Vetingun, i cili vijon të mbahet peng nga Çadra, në të njëjtin format me zgjedhjet, megjithëse nuk ka asnjë lidhje me to. Për këto arsye, “bar do të hamë…”! (Javanews.al)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

9 komente në “Edhe bar do të hamë…!”

  1. Leta says:

    Sakte..le te hane bar se nul i duhen me ketoj vendi te cilin e rropen deri ne dhimbje. Tufa e krimineleve meriton vertete te largohet nga politika.

  2. Viroi says:

    AI thoshte “bar do hame”, po e kishte bere gardh e nuk kishin ku te iknin. Keta po i le te nesermen Jane ne Hollande, Moske e ku te munden, bashke me parate e vjedhura.

  3. Vvvvvvvvvv says:

    BAR ,do hajë Lulushja në Hollandë!
    Ne do votojmë,e do ja vëmë kêmbët në një këpucë
    EDI RAMËS , po bëri lajthitje!
    Kush e ka vendin pas hekurave ,atje do shkojë!!
    BOLL NA E NXINË JETËN!!
    DHE MBRETËR TË ISHIN , NË GIOTINË DO PËRFUNDONIN!!🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱🇦🇱

  4. joel shkodra says:

    Nuk thuhet “qerren para kuajve”, por “qerren para buajve” sepse qerren asnjehere nuk e kane terhequr “kuajte”, por “buajte”. Ne fakt gazetaret e mediat tona po perdorin shume shprehje qe nuk jane shqiptare, por perkthime, prandaj duhet te perkthehen siç duhet e jo sipas qejfit.

    1. joel shkodra says:

      “Qerren para buajve” ose “qerren para qeve”, por jo “para kuajve”.

    2. Qete terheqin qerren... says:

      Joel,
      ke te drejte,
      por, po ta shkruante kete Ymer Minxhozi, Ati, nuk do ta bente kete kabim!
      Ata te Luftes e dinin se qerren e terhiqnin buajt/qete, ndaj dhe perpara qeve vinin gomaret!

      Eshte i vetmi gabim ky, qe e dallojme se nuk e ka shkruar Imeri por Skenderi!
      Te tjerat njelloj, sikur eshte botuar te ZP ne vitin 1977!

  5. Me kemaqe kujtuar ate kengen 72 dit’ me rrade…
    -“C’u semure ne spitale….”-po se mbaj mend me tej..
    ..Mos u shtofte me tej ky numerim ditesh…
    nxirini nga “spitali”

    Dhimbia e madhe POPULL

  6. v says:

    Te hane dhe mut po te duan,
    vetem te na lene te qete.

  7. Malavita says:

    Me shembellen se keni ngaterruar autorin,
    Po, duket nga stili, eshte Minxhoz,
    por jo Iskander,
    eshte Ymer Minxhozi autori i ketij shkrimi,
    botuar per here te pare ne vitin 1977 ne faqen e Katert te ZP…

Lini një Përgjigje

Adresa juaj email nuk do të bëhet publike. Fushat e domosdoshme shënohen *