Lulzim Basha flet për mundësitë e destabilizimit të Shqipërisë nga çadra e opozitës dhe shpall fajtor Edi Ramën

Lulzim Basha paralajmëroi sot se Shqipëria po shkon drejt destabilizimit dhe fajësoi për këtë Edi Rama, që sipas tij po shkon drejt zgjedhjeve pa PD.

Duke folur në cadrën e tij në Bulevardin “Dëshmorët e Kombit”, Basha tha se “ky është plani kriminal i Ramës, t’ju mohojë shqiptarëve mundësinë për të zgjedhur,

Fillimisht e kishte planin me opozitën në letrën e votimit, por me krimin dhe drogën në qafën e votuesve

Në fakt Rama e destabilizoi Shqipërinë me themele në këto 4 vite.

Faktorët themelorë janë krimi i ngritur në pushtet me institucione dhe deputetë kriminelë, kryepolicë kriminelë, tatimorë kriminelë, dhe me njeriun që drejton këtë ushtri krimi dhe droge që është vetë Edi Rama, arkitekti i Shqipërisë së inkriminuar dhe të droguar.

Kush i solli kriminelët në Kuvend, ne krye të bashkive, në Policinë e Shtetit?

Kush i solli Eskobarët, e mbolli Shqipërinë me drogë? Rama me batalionin e tij të krimin me të cilin sundoi Shqipërinë në këto 4 vite.

Në Korcë ne garuam vetëm e vetëm për t’i dhënë demokracisë garën e ndershme, dy muaj pas humbjes në nivel kombëtar.

Ajo që vlente ishte beteja, por Rama nuk u mjaftua, u filmua duke shpërndarë para për vota.

E vonoi ligjin për dekriminalizimin dhe caktoi kandidatë me rekorde kriminale në Fushë Arerëz, Pukë, Tërmetin e famshëm ne Tepelenë.

Ai është shoku i Ramës ta dini, me atë krenohet, unë kam krenari kur pi kafe me Artan Fugën dhe shokët e tij, ky krenohet me Tërmet Pecin edhe me Gjushin, mos ta harrojmë.

Shqipëria është e destabilizuar se është në dorë të kriminelëve, se qytetarët janë në dëshpërim dhe pasiguri totale.

Kjo nuk është parrullë politike, erdhi me premtim për 300 mijë vende të reja pune.

Jo vetëm nuk i hapi, por me politikat e tij mbylli me qindra mijëra vend pune.

E vetmja shpresë për ta stabilizuar Shqipërinë dhe ta çliruar, kthyer në rrugën e lirisë, jeni ju, është kjo lëvizje popullore, ky bashkim shqiptarësh i pathyeshëm.

Në këtë gjendje të mjerë ku e ka sjellë ekonominë, ai e di mirë se nuk ka asnjë fabul ta shpëtojë para shqiptarëve.

Në traditën e etërve të tij politikë, ka shpikur armikun dhe fushatën moniste për 18 qershorin.

Do e bëjë me armikun e shpikur që nuk është thjesht PD, unë, por gjithë qytetarët shqiptarë që refuzojnë dokrrat e tij, mashtrimet e tij për dështimin total të qeverisjes në këto 4 vite.

Ai e di se cfarë e gjen në përballjen me votë të lire dhe të ndershme, atë, ministrat e tij dhe kriminelët me të cilët ka lidhur fatin e vet, me nje veting që nuk e kontrollon ai me formulën Rama- Tahiri- Xhafa

E di mirë se cfarë e pret nga drejtësia e pavarur njeriun që ngriti krimin, plani i tij t’i shmangë të dyja, as zgjedhje as reformë të vërtetë në drejtësi mos ketë. Por i ka bërë planet pa hanxhi. Hanxhia nuk është PD, sovrani të cilin e ke përjashtuar nga llogaritë përpara të cilit do japësh llogari shumë shpejt është populli shqiptar.

Ky është ultimatumi i brezit të ri, lum kush e kupton mjerë kush e refuzon se ëndrra e rinisë nuk ndalet, fundi i republikës së vjetër po afron. Republika e re mban me vet një premtim të madh për cdo shqiptar. Republika e re do të thotë që resurset e shqiptarëve, taksat, burimet pasurore të administrohet me transparencë, vetëm për shqiptarët.”

REMOTE_ADDR:[]
                 Loading...