Kriza politike në Tiranë ka detyruar Departamentin Amerikan të Shtetit të dërgojë në Shqipëri ditën e hëne, Zv/Ndihmës Sekretarin Amerikan për Europën dhe Euroazinë, Hoyt Brian Yee, me qëllim gjetjen e një gjuhe të përbashkët mes krerëve politikë.
Një ekspert i çështjeve ndërkombëtare, Yee, i njohur ndryshe si “Buldozeri”, është një njohës shumë i mirë i çështjeve të Ballkanit, pasi ka shërbyer në disa misione në këto vende.
Përpara marrjes së kësaj detyre Yee ka qenë zv/ambasador amerikan në Zagreb, ku ka shërbyer për tre vite, shkruan dita.
Por para kësaj detyre ai ka qenë drejtor për çështjet europiane dhe këshillin e sigurisë kombëtare amerikane nga 1999-2001 dhe më herët akoma ka spikatur në zyrat e NATO-së si Zv/Drejtor dhe një nga bashkëpunëtorët më të ngushtë të Sekretarit të Përgjithshëm të NATO-s, Havier Solana.
Gjatë karrierës së tij Yee ka shërbyer edhe në Greqi e Mal të Zi.
Hoyt Brian Yee ka lindur në Kaliforni.
Ai ka studiuar në Universitetin e Kalifornisë në Berkley dhe Universitetin Kalifornian në San Diego. Ai ka qenë lektor i kurseve të Marrëdhënieve Ndërkombëtare në Universitetin Georgetown.
Ky eshte asgje para doktor -profesor Sali Berisha.