Përplasje brenda “Republikës së Re”: A po e pranon Basha, ofertën amerikane?

Përgjatë këtyre tre muajve në çadër, Lulzim Basha është mbështetur publikisht nga dy persona në veçanti.

I pari është Artan Fuga, gjë që Basha e përmend me krenari.

I dyti është Andi Bushati, që bashkë me Armand Shkullakun, janë dy gazetarët që kanë hedhur të parët në treg idenë se Basha duhet të ndjekë rrugën radikale për të mos marrë pjesë në zgjedhje.

Por orët e fundit, duket se ka një përplasje mes mbështetësve publikë të Bashës.

Andi Bushati shkruan se edhe pas vizitës së zyrtarit të lartë amerikan, Basha duhet të vazhdojë rrugën e tij radikale.

Në të kundërt, sipas Bushatit, Basha do të tradhtonte demokratët dhe kauzën e ngritur, po qe se shkon në zgjedhje me Ramën kryeministër.

Nga ana tjetër, Fuga i thotë Bashës që të pranojë ofertën amerikane dhe të mos dëgjojë zërat si Muç Nano dhe Andi Bushati, që thonë se do të ishte qesharake që Basha të tërhiqet deri më tani.

Nuk dihet se kë do të dëgjojë Basha, por thirrja e Fugës është interpretuar si një përgatitje e opinionit për pranimin e marrëveshjes nga ana e Bashës.

Edhe pse, ai që vendos në fund, është Berisha.

Ndaj, thirrjet ndaj Bashës, në një farë mënyre duken të kota!

REMOTE_ADDR:[]
                 Loading...