Një 19-vjeçare nga Rrogozhina është dënuar me 2 vite burg nga Gjykata e Krimeve të Rënda, për shantazh.
Oligerta Bodini joshte me marrëdhënie seksuale persona të ndryshëm që njihte në rrjetet sociale, por i gjobiste më pas duke i shantazhuar, me kërkesë të dy shokëve me të cilët bashkëpunonte.
Marin Leka dhe Edmond Sina, dy djemtë që qëndronin pas vajzës e cila ishte si grackë për personat që do gjobiteshin, janë dënuar me 3 vite burg i pari dhe 2 vite e 6 muaj i dyti.
Ata u prangosën dhjetorin e vitit 2016, pasi prej më shumë se 1 muaji kërcënuan e shantazhuan një të ri nga Kavaja, duke i marrë një sasi të konsiderueshme.
Kjo, pasi në rast se s’paguante, ai rrezikonte jetën pasi kishte ngacmuar Oligerta Bodinin, edhe pse 19 vjeçarja e ftonte vetë për marrëdhënie seksuale.