RREFIMI: Mirvjen Hyseni vdiq me buzëqeshje në buzë, se i shpëtoi vajza e vogël. 5- vjeçarja i pa të gjitha, teksa i vritej i ati

Share on FacebookShare on Google+Tweet about this on TwitterShare on LinkedInShare on Whatsapp

Të enjten u përcollën në varrezat e Babicës në Vlorë, Roland Saliu dhe Mirvjen Hyseni.

Të dy u vranë në kafen e hotel Vlora.

Vrasja bëri shumë bujë për shkak të vendit ku ndodhi, paqartësisë pse ndodhi dhe sidomos sepse të dy ishin të rinj.

Roland Saliu ishte mik i familjes Hyseni.

Ai kishte ardhur të sillte një kasetë për televizionin ku Mirvjen Hyseni ishte pronar.

Afër të dyve luante vajza e Mirvjenit, 5-vjeçarja me biçikletë dhe një shoqe e saj.

Sapo është dëgjuar krisma e parë që ka qëlluar Saliun, Mirvjen Hyseni nuk është fshehur, por është ngritur në këmbë sepse ka menduar se i qëlluan vajzën e vogël, pak hapa larg tij.

Aty, ndaj tij, është zbrazur një karikator.

Vajza e vogël ka lënë biçikletën dhe ka vrapuar te i ati.

Ashtu e kanë gjetur, kur krismat mbaruan, mbi kokën e babit, duke i fshirë gjakun, ndërsa ai, me një buzëqeshje në buzë, që e bija nuk kishte pësuar gjë, ka mbyllur sytë, shkruan Dritare.net.

Me atë buzëqeshje për të bijën, e kanë parë, ata që i qenë pranë, kur pak minuta më pas, dha shpirt.

Dje në varrim, vajza e vogël nuk ishte, pasi është e traumatizuar.

Njerëz të afërt kujdeseshin për të voglën, që nuk pranonte të hiqte pantallonat e lojës, se ishin me gjakun e babit.

Policia ende po kërkon për pistat e vrasjeve.

Zbulimi vështirësohet nga mungesa e kamerave në hotel Vlora, pasi pronari Hyseni, nuk kishte të tillë në hotelin e tij.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

5 komente në “RREFIMI: Mirvjen Hyseni vdiq me buzëqeshje në buzë, se i shpëtoi vajza e vogël. 5- vjeçarja i pa të gjitha, teksa i vritej i ati”

  1. mirel says:

    Uau..shume dhimbshme dhe shume ngushelluese per te ndjerin. Te pakten ka ikur me dashurine e gjithe botes me vete.
    I ndrihte shpirti atje ku eshte.

  2. Adam says:

    Ligesia vret ne çdo dite ne çdo ore e ne forma te ndryshme por ne nuk shohim se nuk duam te hapim syte e shpirtit pa na prekur ligesia vet ne Na duhet nje gazetar te na e pershkruaj dhimbjen qe te na hape syte por jo te na levize gjymtyret e te reagojme ky eshte trishtim !

  3. hysa says:

    Pune skafistesh se ata ndertuan hotele mbasi ju moren paret kinezeve dhe i hidhnin ne det.Vajza e vogel ska faj po ashtu edhe familja, por mos haroni se jane larje hesapesh brenda llojit!

  4. Bekimi says:

    Gëzohuni, o njerëz, se nuk jetojmë më në komunizëm.
    Gëzohuni, se nuk prisni më herët në mëngjes në radhë për qumësht, por prisni radhën e zbrazjes së kartikatorëve mbi trupat tuaj—trupa të mbushur ligësi.

  5. loni says:

    jam ne nje mendje me komentuesin zoteri Adam, te lumte,kemi nevoje per GAZETARE ,qe te na rrefeje e jo per “gazetare” te tipit Fevzo qe kur ben intervisten, ben Policin ,te merr ne pyetje (interesaxhinj!!?)

Lini një Përgjigje te Bekimi Anuloje përgjigjen

Adresa juaj email nuk do të bëhet publike. Fushat e domosdoshme shënohen *