Rama: Luli ia ‘vrau’ Berishës bashkëpunëtorët dhe e la si fanti spathi. Merrni shembull nga unë, iu luta 2 muaj…

Kryeministri Edi Rama ne vijim te fushates elektorale ne qarkun e Elbasanit, u ndal sot pasdite ne Cerrik, ne nje takim me simpatizante te PS ne kete qytet, nga ku tha se PS i do votat ne 25 qershor qe te drejtoje timonin e qeverisjes e vetme. Ai nuk ka nguruar edhe te thumboje listen e kandidateve te PD, e cila nuk eshte miratuar ende nga KQZ, per shkak se eshte dorezuar e paplote.

“Akoma sot s’ka bere gati te gjithe skuadren per t’a nxjerre ne fushe, por ajo qe dime sot eshte qe ia vrau te gjithe bashkepunoetoret dhe e la tek pull si fantin spathi atje ne mes”.

“Edhe Saliu që s’ka ardhur sot nuk e thotë dot por të jeni të sigurt që nuk e mohon dot që ne në këto 44 muaj dhamë një provë që askush tjetër nuk e dha në këtë cerekshekulli, provën për të bërë shtet, dhe për këtë ka shumë rëndësi që në 25 qershor mos lejojmë që të prekin të tjerë themelet që mezi i kemi ndërtuar me reforma të vështira, të dhimbshme.

E di mirë që ne se kemi akoma shtëpinë e përbashkët të shtetit tonë, por ama kemi ndërtuar themelet dhe në 25 qershor do vazhdojmë të ndërtojmë shtëpinë e përbashkët të shtetit evropian të shqiptarëve ose do kthehemi mbrapa.

Zgjedhjet, vota, s’janë si një ndeshje futbolli dhe s’bëhet fjalë për të bërë një skedinë, por për të marrë në punë njerëzit e duhur për të bërë punën, jo për ti gjetur punë njerëzve që s’dinë të bëjnë punën…Kur është fjala për të zgjedhur kryeministrin ti mund të jesh me PD por si mund t’ja japësh Lulit, të bëhet kryeministër Luli?”, u shpreh kreu i PS.

Teksa i ka bere thirrje qytetareve te bindin njerez te tjere per te votuar PS-ne ne zgjedhje, Rama tha se duhet te marrin shembull vete ate si iu lut 2 muaj kreut te PD per negociata.

“Merrni shembull nga unë që iu luta Lulit dy muaj, o Lul të lutem hajde këtu kur do takohemi, dhe në fund fare bëra shumë mirë se në fund fare fitoi Shqipëria, por në 25 qershor duhet t’i vëmë vulën dhe ta ndajmë një herë e mirë Shqipërinë nga rreziku i atyre që sa herë që kanë pasur në dorë qeverinë aq herë e kanë bërë lesh e li”, tha Rama.

REMOTE_ADDR:[]
                 Loading...