Majlinda Bregu kundër shkarkimit të Bashës në fushatë: Tani duhet të punojmë për fitoren e PD-së

Share on FacebookShare on Google+Tweet about this on TwitterShare on LinkedInShare on Whatsapp

Nisma e Arben Imamit dhe Jozefina Topallit për shkarkimin e Lulzim Bashes, nuk ka gjetur mbështetje. Pas Astrit Patozit, edhe Majlinda Bregu thotë per Vizion Plus se tashme është koha për te bere fushate e për te mundur Edi Ramen.

Zonja Bregu, ju u takuat dje me Zonjën Topalli, por a e mbështesni ju idenë e saj për shkarkimin e Zotit Basha, para 25 qershorit?

-Unë nuk është hera e parë që flas për forumet dhe as për statutin e Partisë Demokratike, i cili në fakt ka një të vërtetë dhe ky është fakt tashmë, të cilën e kemi diskutuar dje dhe në një kafe shumë miqësore me miq që statuti nuk është respektuar dhe është shkelur.

Megjithatë mua më intereson më shumë sot, dhe besoj të gjithë ne së bashku na intereson Partia Demokratike.

Na intereson që Partia Demokratike të vazhdojë të jetë e fortë, Partia Demokratike të maksimalizojë rezultatin e saj në zgjedhjet e qershorit dhe njëkohësisht ajo për të cilën besoj ka interes çdo demokrat i vërtetë është që Partia Demokratike si shtëpia e madhe e lirisë së shqiptarëve të vazhdojë të jetë po aq e fortë sa ka qenë dhe jo të ekzistojë si gjallesë fantazëm e republikës së re.

Kjo është më e rëndësishme për ne, dhe të siguroj që si unë edhe të gjithë kolegët që kemi takuar dje nuk kemi asnjë interes tjetër primar përveç interesit për të punuar me të gjitha mundësitë që do kemi në këtë fushatë pro Partisë Demokratike.

-Analiza për kryetarin pas zgjedhjeve?

-Eshtë shumë mirë që ka një zgjim më të madh sot të të gjithë demokratëve për të kuptuar dhe për të adresuar problemin atje ku realisht ka qënë gjatë gjithë kësaj kohe. Unë vazhdoj të besoj që Partia Demokratike është e të gjithëve, nuk është parti as e kryetarit aktual dhe s mund të jetë kurrë parti vetëm e Njëshit.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

1 komente në “Majlinda Bregu kundër shkarkimit të Bashës në fushatë: Tani duhet të punojmë për fitoren e PD-së”

  1. Peter Doda says:

    Per te konkuruar Edi Ramen dhe Erjon Veliajn,qe per mendimin tim do te qendrojn ne pushtet per nje kohe te gjate,PD duhet te transformohet teresisht.Nga baza gjer ne kryesi duhen figure te reja dhe mundesisht nga shtresa akademike.PD duhet te pastrohet nga te gjithe elita e vjeter dhe te distancohet nga figurat e liderve sharlatane qe e kan perdorur kete Parti per interesat e tyre personale,familjare dhe kriminale.Ne qofte se vazhdohet me hipokrizi, duke vleresuar dhe perkrahur figuren politike me negative te gjithe viteve te tranzicionit qe eshte S.Berisha, atehere eshte miopi,servilizem, frike ose pa aftesi per tu mare me politike dhe per te prodhuar politike. Uroj dhe shpresoj qe do te thyhet frika dhe servilizmi dhe do te triumfoje arsyeja dhe ndershmeria.Personalisht un e vleresoj shume rolin e Z.Bregu ne Partine Demokratike dhe ne te gjitha zhvillimet politike te vendit.Tani eshte koha me shume se kurre qe ajo te jet me shume aktive.

Lini një Përgjigje

Adresa juaj email nuk do të bëhet publike. Fushat e domosdoshme shënohen *