Hasi te Olympiacos për 1.2 mln euro

Share on FacebookShare on Google+Tweet about this on TwitterShare on LinkedInShare on Whatsapp

Kontratë 2-vjeçare, me rrogë afro 600 mijë euro në sezon. Kjo do të jetë shifra që Besnik Hasi do të përfitojë në bazë të marrëveshjes për të marrë drejtimin e stolit të Olympiakos.

Detajet e kontratës janë bërë publike nga menaxheri i trajnerit shqiptar, Ramadani, sipas të cilit në përfundim të 2 vjetëve, ekziston edhe një klauzolë për rinovim me klubin nga Pireu.

Emërimi i Besnik Hasit te 44-herë kampionët e Greqisë, i ka befasuar opinionistët në vendin fqinj, megjithatë mediat belge kanë zbuluar prapaskenat e marrëdhënies ndërmjet palëve, nga të cilat kuptohet se asgjë nuk është e rastësishme.

Ashtu si fakti që presidenti i Olympiakosit, Evangelos Marinakis tentoi ta bindte ish-kapitenin kuqezi që sezonin e kaluar të merrte drejtimin e Nottingham Forest, pasi është edhe bashkëpronar në klubin e Championshipit anglez, por Besnik Hasi nuk e pranoi ofertën.

Sipas vetë trajnerit, gjatë bisedës me presidentin e Olympiakosit, ky i fundit i dha dy arsye përse 45-vjeçari duhej të pranonte detyrën në stolin e “të kuqve”. Fillimisht sepse edicionin e kaluar Olympiakosi nuk luajti në fazën e grupeve të Champions dhe drejtuesit e klubit nuk dëshirojnë që kjo të përsëritet.

Eksperienca e gjakovarit si futbollist, por edhe si trajner me Anderlechtin dhe Legia Warsaw janë një garanci në këtë drejtim. Së dyti presidenti i ka besim se Besnik Hasi është një trajner që mund ta përballojë presionin e jashtëzakonshëm në Pire, ku Olympiakosi ka si objektiv që të fitojë titullin dhe Kupën në çdo sezon, por edhe të ecë sa më larg në Europë./SS/

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

1 komente në “Hasi te Olympiacos për 1.2 mln euro”

  1. korca says:

    Nuk ka per ti zgjatur shume kjo aventure ne Olimpiakos..Tifozat greke nuk e duan, arsyeja kryesore nga qe eshte Shqiptar, edhe pse ata perpiqen ta zbukurojne muhabetin duke thene qe nuk eshte trajner i mire per Olimpiakosin sepse eshte zbuar nga Legia (atje nuk dha rezultate te mira ne kampionat). Po ariti te nise kampionatin dhe te fitoje 4-5 lojrat e para edhe mund te rrije, perndryshe, edhe nje humbje te beje do tja hedhin te gjithe fajin ktij dhe do detyrojne Marinakin ta heqin.

Lini një Përgjigje

Adresa juaj email nuk do të bëhet publike. Fushat e domosdoshme shënohen *