Kejdi, po Norën e harrove?

Deputetja e LSI-së, Kejdi Mehmetaj, edhe pse e re në moshë, disa ditë rresht është përballur ashpër me ish-ministren e Arsimit Lindita Nikolla.

Akuzat dhe kundër-akuzat ishin të rënda aq sa kaluan në ofeza personale.

Mehmetaj akuzoi Nikollën për reformën në arsim, duke e quajtur si të dështuar.

Deputetja e LSI-së tha se kjo reformë penalizon maturantët dhe i kujtoi ish-ministres Nikolla studimet e vajzës së saj në Francë.

Nikolla iu përgjigj duke akuzuar LSI për diplomat falso.

Në Ministrinë e Arsimit, prej 8 vitesh, LSI ka një zv/ministër.

Ajo është Nora Malaj, e cila gëzon këtë post 4 vite nga koalicioni me PD dhe 4 vite nga koalicioni me PS.

Pse Mehmetaj nuk i kërkon llogari Malajt që e ka brenda partisë së saj por mundohet të gjejë fajtorin tek ana tjetër?

Akuzat për arsimin plasën në momentin e krisjes së marrëdhënjeve mes Metës dhe Ramës.

LSI po e shtrytëzon këtë akuzë, për faktin se prek drejtpërdrejt të rinjtë, duke e shfrytëzuar për fushatën elektorale, që të bëjë për vete maturantët dhe të rinjtë.

Rinia konsiderohet nga LSI-ja si pika e tyre më e fortë.

Nëse Nikolla është përgjegjëse për dështimin e reformës së arsimit, aq përgjegjëse është edhe zëvëndësja e saj Nora Malaj.

Në 8 vite në këtë post, Nora Malaj, nuk ka dalë asnjëherë publikisht të kundërshtojë apo kritikojë reformat e ministrisë.

Mesa duket, LSI po përdor një vajzë të re, që është dhe deputete, e cila kërkon të jetë zëri i rinisë.

Por kjo parti politike, duhet të kërkojë fajin në radhë të parë tek vetja e saj.

Të analizojë pse nuk reagoi në fillim, por me votat e saj u miratua reforma në arsim.

Nëse LSI ishte kundër kësaj reforme, votat e saj nuk duhet të ishin pro.

Nënkryetarja e LSI, Monika Kryemadhi, kur u pyet pse po e kritikon tani këtë reformë, pasi partia e saj votoi pro, ajo tha se ishte skeptike që në fillim, por patën shpresë se situata do të rregullohej.

LSI po kritikon ish-ministren e PS-së për një ‘gjellë’ që e kanë gatuar së bashku dhe që e votuan përsëri së bashku.(Konica.al)

REMOTE_ADDR:[]
                 Loading...