Kryeopozitari Lulzim Basha ka treguar për herë të parë se pse e zhgënjeu ish-aleatin e tij më të madh Kreshnik Spahiu, duke e detyruar këtë të fundit të dorëhiqet nga politika.
Ai deklaroi se i vjen keq që nuk arriti gjuhën e marrëveshjes dhe se e kishte stimuluar Spahiun.
“Me vjen keq që nuk e gjeta gjuhën e përbashkët me të. I ofrova vendin e 17-të në listën e Tiranës, por nuk munda t’i ofroj dot më shumë,” deklaroi Basha, në Zonë e Lirë.
Më herët Kreshnik Spahiu shpërtheu në akuza të forta ndaj Bashës duke e konsideruar atë si besëprerë dhe protestën në çadër si një gënjeshtër të madhe për shqiptarët.