Kosovë/ Kryetarja e KQZ-së: Sot certifikohen rezultatet e zgjedhjeve të 11 qershorit

Share on FacebookShare on Google+Tweet about this on TwitterShare on LinkedInShare on Whatsapp

Duke filluar nga dita e sotme, koalicioni PAN mund të nisë diskutimet për krijimin e Qeverisë së re të Kosovës.

Kjo pasi gjatë ditës së sotme Komisioni Qendror i Zgjedhjeve do ta bëjë certifikimin e rezultateve përfundimtare të zgjedhjeve në Kosovë.

Këtë e ka konfirmuar kryetarja e KQZ-së, Valdete Daka. Ajo u shpreh se përfundimisht sot do të certifikohen rezultatet.

“Gjatë ditës së sotme pritet ta bëjmë certifikimin. Sot do ta dërgojmë njoftimin zyrtarë”, ka thënë Daka.

Procesi i certifikimit të rezultateve të zgjedhjeve të mbajtura në Kosovë më 11 qershor ka zgjatur më shumë se 3 javë, si pasojë e ankesave që subjektet politike dhe kandidatët për deputet kanë dërguar në PZAP.

Në bazë të rezultatit përfundimtar, është konfirmuar se koalicioni i Partisë Demokratike të Kosovës, Aleancës për Ardhmërinë e Kosovës dhe Partisë Nisma, ka fituar 39 vende në Kuvend, Lëvizja Vetëvendosje ka fituar 32, kurse në vendin e tretë është koalicioni i Lidhjes Demokratike të Kosovës me Aleancën Kosova e Re dhe Alternativën me 29 deputetë.

Nga komunitetet pakicë, kryesor Lista Serbe e cila ka fituar 9 deptuetë, kurse Partia e Pavarur Libera ka marrë një deputet. Po ashtu, edhe komuniteteve joserbe u janë ndarë 10 vendet e garantuara.

Në zgjedhjet e përgjithshme parlamentare në Kosovë, të drejtë vote kanë pasur mbi 1 milion e 800 mijë banorë, nga të cilët në zgjedhje dolën mbi 747 mijë votues apo 41.30 për qind e pjesëmarrjes.

Sipas Komisionit Qendror të Zgjedhjeve, mbi 50 mijë është numri i fletëvotimeve të pavlefshme. Nga zgjedhjet e parakohshme parlamentare të 11 qershorit është përcaktuar përbërja e ardhshme e Kuvendit të Kosovës, i cili ka 120 ulëse.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *