Tatimet-Biznesit: Kontrolloni pasaktësitë në deklarimin e të dhënave të punëmarrësve

Në Drejtorinë e Përgjithshme të Tatimeve është vënë në dukje një problematikë nga Instituti i Sigurimeve Shoqërore, lidhur me mospërputhjen në disa raste të numrit të identifikimit (ID), të kartës personale të identitetit me emrat e punëmarrësve, apo edhe emra të deklaruar gabim në listepagesat, nga punëdhënësit e tyre, shkruan monitor.

Bazuar në Ligjin Nr. 9136, datë 11.09.2003 “Për mbledhjen e kontributeve të detyrueshme të sigurimeve shoqërore dhe shëndetësore”, i ndryshuar, çdo punëdhënës, është përgjegjës për mbajtjen e kontributeve të punëmarrësit dhe deklarimin e pagesës në organet tatimore, së bashku me kontributet e punëdhënësit.
Sipas nenit 15 të këtij ligji, çdo tatimpagues deklarues (punëdhës), është i detyruar që të vendosë në listëpagesë numrin personal të çdo punonjësi të punësuar prej tij.

Kujtojmë çdo tatimpagues, që të jetë i saktë në deklarimin e këtyrë të dhënave, pasi çdo gabim përveçse është penalizues për vetë ato, sjell pasoja edhe për punëmarrësit e tyre, përsa i takon përfitimeve që ato do të kenë, përkundrejt kontributeve të paguara realisht.

 

REMOTE_ADDR:[]

1 komente në “Tatimet-Biznesit: Kontrolloni pasaktësitë në deklarimin e të dhënave të punëmarrësve”

  1. Tarzani says:

    Ju tatimore perse nuk kontrolloni punonjesit e projekteve te PNUDit,. Ata jane me kontrata nje vjecare dhe sipas kontrates jane te detyruar te deklarojne ne zyrat e Tatimeve te ardhurat e tyre. Te ardhurat mujore te disave prej tyre e kalojne vleren e e 240.000 leke. Duhet te paguaj tatim mbi te ardhurat.

Lini një Përgjigje

Adresa juaj email nuk do të bëhet publike. Fushat e domosdoshme shënohen *