ANALIZA/ Çfarë na tregojnë rezultatet e 25 qershorit për zgjedhjet bashkiake

27 Korrik 2017, 11:02Politika TEMA

Nga Eduard Zaloshnja

Pasi u zgjodh kryeministri, pasi u zgjodh kryetari i PD-së dhe pasi u betua presidenti i ri, vëmendja e publikut shqiptar ndoshta tani është përqendruar te pushimet e verës. Por kryetarët e bashkive dhe ata që pretendojnë të bëhen kryetarë bashkish ndoshta kanë filluar që tani të mendojnë e të planifikojnë se ç’do bëjnë për t’u zgjedhur kryebashkiakë pas 600 ditësh.

Dhe rezultatet e zgjedhjeve parlamentare shërbejnë si një bazë e mirë për të filluar analizën e gjasave të fituesve në zgjedhjet bashkiake. Kështu, në zgjedhjet bashkiake të 2015, kandidatët e mazhorancës fituan pothuaj në të gjitha bashkitë ku ajo kishte patur epërsi në zgjedhjet parlamentare. Përjashtim bënë vetëm Pogradeci, Lezha, Mallakastra e Përmeti. Në tre të parat, kandidatët e propozuar nga LSI-ja nuk u mbështetën sa duhet nga degët lokale të PS-së, ndërsa kandidati socialist i Përmetit dukej se nuk kishte marrëdhënie të mira me socialistët përmetarë.

Në zgjedhjet bashkiake të radhës (pas 600 ditësh), Partia Socialiste duket se nuk do të ketë më një koalicion të madh si më 2015-ën, por sidoqoftë mund të synojë që, përveç votave të socialistëve, të marrë edhe votat e përkrahësve të deputetëve Tom Doshi, Reme Lala, Aqif Rakipi e Bujar Muça, të cilët kanë deklaruar se do të përkrahin kryeministrin Rama.

Nga ana tjetër, duket se PD-ja, LSI-ja e parti të tjera opozitare, do të përkrahin kandidatët opozitarë, në mënyrë që ta zbusin sa më shumë epërsinë numerike, me të cilën duket se do të futen në garë kandidatët e PS-së.

Duke presupozuar se kështu do të jetë konfigurimi i betejës elektorale pas dy vjetësh, rezultatet e 25 qershorit na tregojnë se kandidatët e PS-së, në të paktën 35 bashki, do ta fillojnë garën me epërsi paraprake ndaj atyre të koalicionit të mundshëm PD-LSI-etj. Në këto 35 bashki, PS-ja dhe deputetët që e përkrahin atë kanë marrë më shumë se 50% të votave, duke e arritur maksimumin në bashkinë e Librazhdit me 73% (shihni Tabelën 1).

Në 7 bashki të tjera, PS-ja dhe deputetët që e përkrahin atë iu afruan 50-përqindëshit (47.77% – 49.79%). Si rrjedhim, në këto bashki mund të presim një garë tejet të fortë (shihni Tabelën 2).

Ndërsa në 19 bashki, PS-ja dhe deputetët që e përkrahin atë morën më pak se 46% të votave (shihni Tabelën 3). Në qoftë se partitë opozitare do t’i bashkojnë forcat (pa hile ndaj njëra-tjetrës), kandidatët e tyre kanë shanse të mira të fitojnë në këto 19 bashki.

Tabela 1. Përqindja e votave të PS-së në bashkitë ku mori mbi 50% në 25 qershor

Renditja               Bashkia %            Vota

1                              Librazhd*            73,18%

2                              Pukë*                   69,12%

3                              Peqin*                  66,42%

4                              Poliçan                  66,26%

5                              Fushë-Arrëz*    65,44%

6                              Divjakë                 64,31%

7                              Selenicë               64,29%

8                              Vlorë                     64,23%

9                              Belsh*                  63,18%

10                           Tepelenë             62,43%

11                           Gramsh*             61,59%

12                           Elbasan*              61,29%

13                           Himarë                 60,91%

14                           Roskovec             60,32%

15                           Memaliaj             60,12%

16                           Dibër*                  60,04%

17                           Lushnjë              59,37%

18                           Prrenjas*            57,88%

19                           Patos                 57,32%

20                           Ura Vajgurore   56,94%

21                           Sarandë               56,21%

22                           Malsi e Madhe   *56,04%

23                           Shijak                    55,48%

24                           Kuçovë                 54,99%

25                           Maliq                     54,85%

26                           Pogradec             54,85%

27                           Berat                     54,74%

28                           Fier                        54,62%

29                           Konispol               53,65%

30                           Këlcyrë                 53,25%

31                           Libohovë             52,16%

32                           Korçë                    52,10%

33                           Përmet                 51,75%

34                           Tiranë                   51,42%

35                           Krujë                     50,83%

*Në bashkitë e qarqeve Shkodër, Elbasan e Dibër, votave të PS-së i janë shtuar votat që morën deputetët Tom Doshi, Reme Lala, Aqif Rakipi e Bujar Muça, të cilët kanë deklaruar se do të përkrahin kryeministrin Rama.

Tabela 2. Përqindja e votave të PS-së në bashkitë ku iu afrua 50-përqindëshit në 25 qershor

Renditja               Bashkia %            Vota

1                              Kolonjë              49,79%

2                              Kukës                49,72%

3                              Mat*                    49,67%

4                              Mallakastër        49,23%

5                              Durrës                  48,41%

6                              Gjirokastër         47,85%

7                              Cërrik*                 47,77%

*Në bashkitë e qarqeve Shkodër, Elbasan e Dibër, votave të PS-së i janë shtuar votat që morën deputetët Tom Doshi, Reme Lala, Aqif Rakipi e Bujar Muça, të cilët kanë deklaruar se do të përkrahin kryeministrin Rama.

Tabela 3. Përqindja e votave në të PS-së në bashkitë ku ishte poshtë 46-përqindëshit në 25 qershor

Renditja               Bashkia %            Vota

1                              Delvinë                 45,94%

2                              Mirditë                 45,75%

3                              Klos*                     44.86%

4                              Finiq                      44,56%

5                              Vau-Dejës*        44,15%

6                              Shkodër*            42,85%

7                              Rrogozhinë         42,82%

8                              Kavajë                  42,66%

9                              Has                         41,87%

10                           Lezhë                    41,23%

11                           Bulqizë*               40,21%

12                           Kurbin                   39,57%

13                           Skrapar 37,59%

14                           Pustec                  37,03%

15                           Kamëz                  35,07%

16                           Devoll                   33,23%

17                           Vorë                      33,16%

18                           Tropojë                 32,06%

19                           Dropull                 27,08%

*Në bashkitë e qarqeve Shkodër, Elbasan e Dibër, votave të PS-së i janë shtuar votat që morën deputetët Tom Doshi, Reme Lala, Aqif Rakipi e Bujar Muça, të cilët kanë deklaruar se do të përkrahin kryeministrin Rama./“AFP”

1 komente në “ANALIZA/ Çfarë na tregojnë rezultatet e 25 qershorit për zgjedhjet bashkiake”

  1. lato says:

    Me sa shoh une nga tabela,heren tjeter opozita e bashkuar do te marre vetem Bashkine Dropull dhe Bashkine Pustec.Ka punuar fort per greket dhe serbet keto 27 vjet.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje