Një ngjarje e rëndë ka ndodhur në jug të Gjermanisë. Të paktën dy persona kanë humbur jetën dhe janë plagosur disa të tjerë si pasojë e disa të shtënave me armë në një klub nate në Konstancë të Gjermanisë.
Mediat gjermane bëjnë me dije se policia ka ardhur menjëherë në vendngjarje duke neutralizuar kështu autorin, i cili mbeti i vdekur pas shkëmbimit të zjarrit me policinë.
Ngjarja ka ndodhur në orën 4 e 30 të mëngjesit.
Sipas policisë gjermane autori fillimisht ka qëluar rojen me armë dhe më pas është futur brenda në lokal duke qëlluar personat që gjendeshin aty.
Ende nuk bëhet e ditur nëse kemi të bëjmë me një akt terrorist.