Grabitën 100 mijë euro në hotel, të rinjtë mbrojnë pastruesen: S’ka lidhje, ja si na lindi ideja

Share on FacebookShare on Google+Tweet about this on TwitterShare on LinkedInShare on Whatsapp

Gjykata e kryeqytetit vendosi dje masën e sigurisë arrest me burg ndaj shtetasve Zenel Dama dhe Eduart Ngota, të akuzuar për grabitjen e kasafortës së një hoteli te Rruga e Dibrës në Tiranë.

Masa e sigurisë arrest me burg u vendos në mungesë edhe ndaj shtetases Rajmonda Bruçi, e cila është shpallur në kërkim. Prokurorja deklaroi në seancë se e akuzuara, punonjëse e hotelit, ka bashkëpunuar me autorët, por pas grabitjes së ndodhur më 15 gusht, ka arritur të largohet dhe t’i shpëtojë arrestimit.

Nga sistemi TIMS, sipas akuzës, e dyshuara ka ikur jashtë Shqipërisë. Bruçi dyshohet se ka informuar vëllain e saj, Eduart Ngota, në lidhje me sendet me vlerë dhe shumat e eurove që mbaheshin në kasafortën e hotelit.

Por dy personat e arrestuar mohuan dje në gjykatë që të kenë pasur bashkëpunëtor tjetër. Ata pranuan akuzën, ndërsa thanë se kishin shkuar atë natë në hotel si klientë dhe në mënyrë spontane u kishte lindur mendimi për të kryer vjedhjen.

“Pimë një kafe aty dhe në një moment vendosëm ta provonim për të vjedhur”, është shprehur dje në gjykatë Eduart Ngota.

Policia e Tiranës tha pas ngjarjes se ka arrestuar 2 të dyshuarit gjatë operacionit të koduar “Rolexi”, në lidhje me vjedhjen e ndodhur në hotel.

Në pranga ranë Eduart Ngota, 32 vjeç dhe Zenel Dama, 27 vjeç, të cilët dolën dje në gjykatë për caktimin e masës së sigurisë. Pas ngjarjes, është shpallur në kërkim 36-vjeçarja Rajmonda Bruçi, e punësuar si pastruese në hotel, e cila njëkohësisht është motra e njërit prej autorëve, shtetasit Eduart Ngota.

Policia ka thënë se pas arrestimit të dy të dyshuarve në Tiranë, janë sekuestruar në cilësinë e provës materiale 3 ora me vlerë rreth 80 mijë euro, 3 byzylykë e një varëse floriri me vlerë rreth 9 mijë euro, si dhe 9500 euro cash.

Të gjitha këto prova u gjetën në shtëpinë e njërit prej autorëve. Orët e vjedhura ishin 2 të markave “Roleks DayData”, njëra me ngjyrë gri metalizato, tjetra me ngjyrë floriri dhe një “Jaeger Lecoultre”, me ngjyrë floriri.

Dyshimet janë se dy personat janë lajmëruar nga motra e Eduart Ngotës për praninë e sendeve me vlerë dhe shumës monetare në kasafortën që kishte materiale me vlerë rreth 100 mijë euro brenda saj.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *