Shpërthen djali i Fahri Balliut, premton t’ua bëjë jetën “malore” zgjedhësve: Mokrën do ta bëj..zonë malore, Pogradecin prefekturë

Djali i Fahri Balliut, deputet për Pogradecin ka bërë një propozim shumë interesant. Zonën malore të Mokrës ka premtuar se do të punojë për ta kthyer …zonë malore. Duke tentuar t’ia bëjë jetën “malore” kësaj zone me traditë.

Ndërsa Pogradecin ka deklaruar se do ta bëjë prefekturë, ndryshe nga të gjitha rrethet e Shqipërisë.

Ndërkohë që ai ka folur për disa plane për zhvillimin e qytetarëve që përfaqëson, duke bërë dhe premtimet e rastit, ndonëse nuk është as në fushatë dhe as PD nuk është në pushtet.

“E para gjë që do kërkoj është shpallja e Mokrës, zonë malore. Ndërtimi dhe rindërtimi i disa shkollave në Mokër, si dhe të disa qendrave shëndetësore.

Pogradeci duhet të shpallet prefekturë me vete sepse ka rreth 100 mijë banorë, zyra shtetërorë që janë në Korçë të hapen edhe në Pogradec, ndryshimi i fasadave nuk rrit ekonominë e qytetarëve”, u shpreh Balliu.

Njëherësh deputeti i ri Balliu ka denoncuar ata komisionerë që u blenë nga PS, në përpjekje për të justifikuar dhe humbjen e pangjashme në këtë zonë.

Deputeti demokrat denoncon një rast kur komisioneri i PD u ble nga PS, këto zgjedhje sipas tij janë humbje për qytetarët shqiptarë.

 “Komisionari i PD-së i blerë nga PS. Kur vidhen votat në këtë masë, humbin qytetarët sepse do të përfaqësohen në parlament nga njerëz që nuk e meritojnë të jenë atje”, thekson Balliu.

REMOTE_ADDR:[]
                 Loading...