Zbardhet programi i qeverisë së re “Rama 2”, ja ndryshimet që do të sjellë

Share on FacebookShare on Google+Tweet about this on TwitterShare on LinkedInShare on Whatsapp

News 24 dhe BW  kanë arritur të zbardhin programin e plotë të qeverisë “Rama 2” për mandatin 2017-2021.

Në program, bëhet një përmbledhje e mandatit që sapo kaloi (2013-2017) ku shkruhet: “Mandati 2013-2017 ishte mandati i jetëzimit të një ndryshimi të thellë, rrënjësor e të gjithanshëm, për të cilin qytetarët shqiptarë, njerëzit e zakonshëm të këtij vendi, na dhanë besimin e plotë dhe njëkohësisht edhe përgjegjësinë për ta thelluar më tej dhe për ta materializuar në politika konkrete edhe të prekshme, në çdo ditë të qeverisjes sonë”.

Në programin e siguruar nga gazetarja Marsela Karapanço flitet për ndryshimet që pritet të sjellë qeveria në sektorë të ndryshëm si ekonomia, drejtësia, shëndetësia, turizmi e deri tek politikat e jashtme dhe integrimi europian.

Në programin 28-faqësh në fushën e drejtësisë Qeveria në 4 vitet e ardhshme do të fokusohet në këto shtylla kryesore: • Jetësimi i reformës në drejtësi, nëpërmjet ofrimit të gjithë mbështetjes së nevojshme të realizimit të procesit të vetting-ut me sukses, si dhe në procesin e ngritjes së institucioneve të reja qeverisëse dhe drejtuese të gjyqësorit dhe të prokurorisë, të domosdoshme për zbatimin e reformës në drejtësi. • Reformë në sistemin e hartimit të legjislacionit dhe në tërësi sistemin e kodifikimit. Do të përmirësohen kapacitetet njerëzore dhe profesionale të këtij sistemi, duke ndryshuar më së pari mënyrën e rekrutimit të personelit përbërës të këtij sistemi. • Reforma tërësore e shërbimeve publike që lidhen me drejtësinë për titujt e pronësisë duke përfshirë rregjistrimin e tyre dhe kthimin dhe kompensimin e pronave  •Reforma e shërbimeve publike të ofruara nga profesionet e lira, (noteria, avokatia, ndërmjetësimi) do të synojë shërbime ligjore, sa më cilësore dhe profesionale për qytetarët.

Në kapitullin e Arsimit, Rinisë dhe Sportit, në programin e qeverisë shkruhet: Pas reformave të rëndësishme në arsim që u kryen në mandatin e parë, në këtë mandat të dytë, qeveria angazhohet të punojë për një sistem arsimor efiçent, i cili krijon mundësi të barabarta për shkollim cilësor të të gjithë fëmijëve, pavarësisht origjinës, gjinisë,vendbanimit dhe të ardhurave, duke siguruar një forcë pjesëmarrëse dhe të përgjegjshme, në tregun e punës dhe në shoqëri.

“Pas miratimit të Planit Kombëtar për Integrimin Europian 2017 – 2020, objektivi kryesor i qeverisë shqiptare vazhdon të mbetet përshpejtimi i integrimit të sistemit të transportit, si një parakusht për zhvillimin e sektorëve të tjerë të ekonomisë,” shkruhet në kapitullin e Infrastrukturës.

Qeveria “Rama 2” shkruan në program se shëndetësia do të vazhdojë të jetë një nga sektorët ku do të punohet më shumë: Nën moton “shëndet për të gjithë” ne do të vazhdojmë të promovojmë jetën e shëndetshme, duke rritur investimet në të gjithë sektorët që lidhen me shëndetin për të shkuar kështu drejt shëndetësisë falas. Nën moton “më shumë vite jetës dhe më shumë shëndet viteve” ne do të vijojmë të mbështesim fort parandalimin dhe diagnostikimin.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[{"thumb":"http:\/\/www.gazetatema.net\/wp-content\/uploads\/2017\/09\/drejtesia-500x492-150x150.jpg","full":"http:\/\/www.gazetatema.net\/wp-content\/uploads\/2017\/09\/drejtesia-500x492.jpg","attachment_id":"761596"},{"thumb":"http:\/\/www.gazetatema.net\/wp-content\/uploads\/2017\/09\/programi6-283x280-150x150.jpg","full":"http:\/\/www.gazetatema.net\/wp-content\/uploads\/2017\/09\/programi6-283x280.jpg","attachment_id":"761595"}]
        
        Loading...
        

1 komente në “Zbardhet programi i qeverisë së re “Rama 2”, ja ndryshimet që do të sjellë”

  1. Kristo says:

    Cfare eshte ky program pa vlera financiare qe do te mbeshtetin keto sektore dhe burimi i tyre!😛 si duket qrveria kujton se eshte akoma ne fushate me timon ne dore e tepsine si dajre. Cdo ti kerkojme kesaj qeverie llogaridhenie neser, kur programi eshte i mbushur me lloqe e text copy paste si paper te filozofise apo psikologjise! Fillimi mbare gjysma punes, por duket qe timoni rrotullohet 360° dhe ne ne vend e numero

Lini një Përgjigje

Adresa juaj email nuk do të bëhet publike. Fushat e domosdoshme shënohen *