Doktor, lëri djemtë e tu të shkojnë

15 Shtator 2017, 09:09Politika TEMA

Nga Armand Shkullaku

Këtë herë, Sali Berisha nuk mund të fliste pa prodhuar një lajm. Një lajm të dukshëm dhe të bujshëm, siç ishte ai që kapën në ajër antenat mediatike, se Doktori më në fund goditi Lulzim Bashën.

Në pamje të parë dukej se kryetari historik i demokratëve zyrtarizoi, pas heshtjes sfilitëse, të gjitha hamendësimet dhe komentet që vërtiteshin rrreth idesë se Berisha ishte i pakënaqur me Bashën por nuk fliste për të mos ndikuar. Se ai ishte i dëshpëruar me listën, i lënduar për bashkëpunëtorët e tij të ekzekutuar politikisht, i prekur për mospërfilljen dhe kokëulur për tkurrjen e partisë së tij në një tespihe me 43 kokrra. Dhe, pas dy muajve e gjysëm, Berisha i dha fund misterit dhe vërtetoi me zë dhe figurë atë që prisnin të dëgjonin mijëra demokratë të zhgënjyer.

Po, ai, ish lideri maksimal, nuk ka qenë dakort me veprimet e Bashës. Se ai nuk do t’i largonte kurrë nga PD, figurat historike që kanë investuar në të. Lista nuk ishte as e tij dhe as e PD dhe pasardhësi i tij u tregua i paaftë të përballonte Edi Ramën në fushatë. Ky i fundit përfitoi nga marrëveshja, duke e paraqitur atë “si një mëshirë për një djalë të mirë si Lulzim Basha”, tha Sali Berisha.

Por lajmi i intervistës së Berishës tek Çim Peka, nuk ishte thjesht sinkronizimi i Doktorit me demokratët e zhgënjyer duke pranuar të vërtetat e dështimit të Bashës. Mes të gjitha rreshtave dhe midis fjalëve të tij dallohej qartë një shqetësim shumë më i madh. Ai i ndarjes përfundimtare, pa kthim, të Partisë Demokratike. Dhe këtu, Sali Berisha e trajtoi Lulzim Bashën, njësoj sikur tha për Ramën, me mëshirën ndaj një djali të mirë.

Mesazhi i Doktorit ngrinte kokë nga fillimi e deri në fund të intervistës, me tonet gati të përulura të një ati, se nuk duhet braktisur PD për shkak të Lulzim Bashës. Ky i fundit ka bërë gabime, madje aktë të rënda, por edhe këtë herë, për hir të historisë dhe të ardhmes së partisë, duhet toleruar. Se ata që u nxorrën jashtë PD, duhet t’i qëndrojnë investimit të tyre dhe të mos investojnë diku tjetër, pra në një parti të re se ja ku e kanë përpara shembullin e Blushit. Figurat historike të PD janë vlera në politikë, por mund t’i sigurojnë këto vlera vetëm brenda saj. “Një nga njerëzit më me eksperiencë por dhe të mençur në politikë është Ben Blushi, ku përfundoi?”, tha Berisha si paralajmërim për ish bashkëpunëtorët e tij që mund të nisin një lëvizje të re politike. E gjithë intervista ishte një thirrje ndaj tyre për të mos e hedhur hapin final të ndarjes, sepse edhe ai vetë mendon si ata, është me ata, i dënon veprimet e Bashës njësoj si ata, por në emër të investimit të përbashkët duhet negociuar me tolerancë me “djalin e mirë” që është në krye të PD.

Po përse kjo kërkesë, gati lutje e atit themelues të PD, tani kur gjithçka duket e parikuperueshme? Berisha ndoshta ka menduar se pas rizgjedhjes së Lulzim Bashës me 22 korrik, cunami kundër tij do vinte duke u qetësuar, kundërshtarët në parti do të tërhiqeshin të pashpresë dhe vëmendja do të zhvendosej në përballjen e opozitës me qeverinë. Sigurisht ka qenë një iluzion i shkurtër. Skandali në votimin për Gramoz Ruçin, paraqitja për të ardhur keq e disa deputetëve në ballafaqimin me programin e qeverisë dhe vazhdimi i strategjisë së Ramës për t’a trajtuar kreun e opozitë si një “djalë të mirë” me të cilin merret vesh kurdo, kanë qenë këmbana të forta për ta shkundur Berishën nga iluzioni. Kjo PD nuk do të mund të prodhojë lajm dhe, më keq akoma, mund të mos merret seriozisht si opozitë. Lajm do vazhdojë të mbetet ajo çfarë do të ndodhë brenda saj.

Po t’i shtosh këtij shqetësimi edhe këmbënguljen e kundërshtarëve të Bashës për të vazhduar rrugëtimin e tyre politik, gjërat bëhen fare të qarta për një politikan me përvojë si Sali Berisha. Ai është i bindur se krijimi i një partie të re, që në zgjedhjet lokale të 2019, do t’a asgjesonte PD politikisht. Edhe ato pak vota që i kanë mbetur, do të ndaheshin përsëri, duke e shndërruar Ramën në një lider të gjithëpushtetshëm.

Prandaj Berisha u lutet ish bashkëpunëtorëve të tij të mbeten tek investimi i tyre. Por është shumë vonë në kohë që lutjet të bëjnë punë. Sali Berisha ose duhet të gjejë mekanizmin që investimi për të cilin flet të përfaqësohet në “pronësinë” e PD ose përndryshe duhet t’i lerë “djemtë e tij të shkojnë”. Këta të fundit nuk kanë rrugë tjetër. Vetëm një parti e re, do të ishte imponimi politikisht korrekt, për të rimarrë atë që u takon nga investimi i tyre në Partinë Demokratike. Doktori duhet të lirojë tespihet dhe t’i hedhë secilit kokrrën e tij të fatit, përfshi edhe Lulzim Bashën.(Mapo)

12 komente në “Doktor, lëri djemtë e tu të shkojnë”

  1. Shaba says:

    Ngjashmeri e cuditshme! Ky koment paralajmeron fudin e sundimit te berishizmit anti-demokratik dhe daljen e nje te djathti konseguent euro-atlantikas. Ngjashmerisht, kur mori fund sundimi i enverizmit antikomunist (i paraqiti te tera partite komunosti

  2. Shaba says:

    Vazhdimi (pra, i paraqiti te tera Partite komunoste te botes te degjeneruara), doli komunisti konseguent Hysni Miloshi qe formoi Partine Komuniste krahas partive komuniste botrore per te percuar tek ato everizmin e PPSH- se.

  3. koli says:

    Avash, Shkullak, se na morrën lotët…!!! Kot përpiqeni t’i zbukuroni gjerat…! PD u krijua si bandë e strehë e çdo lloj hajduti, krimineli, sigurimsi e lëpirësi të regjimit enverian, si llumpen-i i shoqërisë shqiptare dhe… si e tillë do shpërbëhet, me rritjen e ndërgjegjes politike të këtij populli të mjerrë…!

  4. timo says:

    Babai të “shan” se të do, Lulush.

  5. Tonini says:

    P.d,e ka mbyllur kontraten,ose me sakte,populli e ka mbyllur kontraten me p.d,arsyet dihen,i dine shume dhe aktoret kryesor te p.d,po nuk kane kurajo ta thone,problemet jane te qarta,ndarja e p.d eshte e pashmangshme,p.d nuk mund ta mbaje me nje njeri,sala mundohet ta mbaje te pa ndare,me idene qe lulin ta zevendesoje me nje pinjoll te tij,po dhe luli nuk largohet,pa marre pjesen e tij ,si perfundim ,p.d ndahet,maksimumi deri ne zgjedhjet vendore.

  6. emigranti says:

    o zoti armand, saliu dhe pd perfitoj nga populli qe deshiroj demokracine, po tani e ka kuptuar se te gjithe keta ishin hajdute, kriminela, mashtrus dhe asgje tjeter. ENVERI beri ca gabime po jo ta shkateronte shqiperine ne kete gjendje, tani shqiperine mund ta krahasosh me afriken.

  7. Rr. B. Gramshi says:

    O Shkullak, nese ti je naiv dhe idiot, kosidreratat superlative per ate qe na i paraqit si atin e demokraci se, Sali kriminelin, mbaje per vehte dhe familjen tende dhe ata katunare qe te mbeshtesin. Mos ia lejo vetes qe Merua te tallet me ty duke te botuar mender analizat e tua dhe krahas shemtise fizike ti shtosh edhe ata intelektuale portretit tend.

  8. Gzimi says:

    Pra Plaku Mere???

  9. Edheune says:

    Shkullaku super inteligjent ? Ka mundur te zbertheje trurin e Berishes ? Sa qesharake. Mendoj se eshte shkrim i Berishes dhe Skollaku si ashtu qe eshte, vendos emrin e tij. Kjo ben mu kur Shkullaku ( nenkupto Berisha ), ndarjen e pritshme te PD -se e kraheson me tretjen e Blushit. Ky eshte thelbi i shkrimit. Qe do te thote mos krijoni parti te re sepse zhduket partia e Bashes ( nenkupto e Berishes ) SepseBerisha e di mire se ne PD jane trecereku kunder Bashes ndersa Blushi ishte i vetem ne Ps dhekujtoj sedo behej dikushi me stilin e Berishes.

  10. Suloja says:

    “Më mirë ndá se qá”.Nga një herë,nuk duhet “trembur” nga ndarja.Ajo i nget një çifti që nuk merren vesht,dhe pas ndarjes,gjejnë njeriun e duhur.Italianët kanë një shprehje:”Non tutti i mali,vengono pér nuòcere”(“Jo t’gjitha t’këqiat,vijnë për të dëmtuar”.Siç themi nè,më thjeshtë e bukur:”Ma për hajr “.Megjithate,
    “Bashkimi bën fuqinë”, e jo,ndarja.

  11. lato says:

    Kjo parti malokesh dhe rrugacesh qe grabiten deshiren e Popullit shqiptar per demokraci dhe Perendim,duhet te zhduket nga konkurimi politik fare.Duhet te pesoje si partia – Laco parti.Car djemsh thua ti re Shullak!Po Berisha i mblodhi ata zaberhane .Une Berishes i kujtoj themeluesin e Levizjes Demokratike dhe Partise Demokratike Gramoz Pashkon dhe mocionistet,diten e Konferences.A e mban mend kur i perjashtove me sallen e mbushur me bisha rrugace hajdute rrugesh ordinere?Nuk vlente investimi i tyre?Ku e cove investimin e tyre?Ua dhe banditeve qe u bene bisnesmena,ja dhe Zen Gerdecit,ja dhe Argites ne Jale????Tani qe opo te iken partia ne drejtim te padituir,kujtoihesh per investimet e ketyre LAROVE,qe nuk kane gje te perbashket me fillimet e demokracise.

  12. Shoku shpati says:

    As ja nin PD per ATA qe hoqi
    ATA Jo vetem qe s’ krijojne dot parti te re
    Po’ as ekektoratinuk Kane pervec familjeve te tyre.
    Basha ka gabime me thes
    Me i Madhi marrveshja .
    Me mire te kishte vazhdu cadren edhe me pantallona te shkurtera Sic thote rdi Rama se sa hyri ne zgjedhje.
    Ishin nje shkaterrim i madh per pd,por
    Jo fundi i saj.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje